Sosawaro 3:22 - Ma Jou ai Demo-demo o Totobelohoka

²² Abe nako ka ihikaika nomangiriki itiai de nomaputuhu itaana de ahao ngona nowango ma gou-goungoka de o nyawa manga horomati ilamoko ngonaika. De ka idadi tohiketero ani datoro ma rahai gea abe imaketero hoka o rante ma rahai ani tomaroka, abe ka de o nyawa yamake de ato o rante gea yoigo. De hokogenangoo manga igo ani datorika hiadono manga horomati naga ngonaika.

Sosawaro 3:22 ပူးပေါင်းရင်းမြစ်များ

Sosawaro 1:9

Abe mata-mata niamake manga dodotokino gea idadi nia utumu nia wowangoka. Ho ahi hiketero hokonaa, nia wowango ma datoroka tohiketero ma rorahai de o rante nia tomaruku de utu abe niapake ma hohailoa nia tadauroka. Abe imaketero hoka o rante niapake nia tomarino de daku nia peaka niapake ma kiahonanga ma hohailoa la o nyawa inimake nginika ato nia rupa irahai, de hokogenangoo nako nia wowango ma datoro irahai hiadono o nyawa yomalega ti ngini nia datorika de yamake ma datoro ma rupa ma rorahai. De hokogea ngini ahi ngofa-ngofaka nia datoro nako nianiiki nia baba de nia meme manga dodotoko nginika.

Sosawaro 4:13

Ho, ahi ngofaka ngona ka ihikaika nomahihohininga de napake ahi hingahu ma owa naa. Ufa ani dodotoko nenanga nanoaika masara kiani o dodotoko ma demo naa nogoana la ka ihikaika ilaku ani wowangoka hiadono ani wowango ihititi ahi dodotokoka.”

Sosawaro 8:35

Abe onagona dika yamake o sosawaro de gea yamakeoo manga wowango ikurutu o duniaka! De ona gea abe duru iwihisanangi Ma Jou o Yaweika.

Higalioli 32:47

Angamoi ma behehongo ma demo gea ko ihomoaua masara ma titi duru ikurutiye. Abe ka idadi hotemo hato ti ngini nia wowango ihititi duru ma behehongo gea ma demoka. Ho nako ngini naga nia hingounu enangika ahao ka idadi nia wowango ikuru-kurutu ma tonakoka gea abe o Yorodani ma akere doka ma honongaika.”