Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Sosawaro 3:12 - Ma Jou ai Demo-demo o Totobelohoka

12 Mangale ona gea abe duru Ma Jou o Yawe wahitiai gea ona abe Una duru wadora onangika. Una hoka o baba abe duru wisanangiholi ai ngofakika ho nako hiadono wimake ai ngofaka gea wahowono de woluku una ka ihikaika wodiai abe ko iwihisanangiua ai dimonika. Ho kiani ma baba gea witaere ai ngofakika la ufa waniiki abe ko itiaiua. De Ma Jouoo wodiai imaketero hoka o babali gea ma oraha ngona nahowono angamoi duru wonidora.

အခန်းကိုကြည့်ပါ။ ကော်ပီ




Sosawaro 3:12
7 ပူးပေါင်းရင်းမြစ်များ  

De Ma Jou o Yawe ka idadi to Una ai hininga hohiketero Abe imaketero hoka o ngofa-ngofaka manga baba ai hininga onangika. Abe Ma Jou o Yawe ai hininga ka ihikaika duru ibole ngoneino, Abe iti ka ihikaika nanga horomati ma modongo naga Unangika.


Ngone o dimono onagona dika abe holuku hadotoko nanga ngofaka de o dodotoko ma dubuho, gea tanu ko iwa nanga dora onangika. Ma nako nanga dora itagi onangika, gea ma titi hadotoko itiai nanga ngofakika.


Angamoi onagona dika Ngohi Ma Jou tadora, onangika gea kiani tadotoko, de onagona dika abe Ngohi Ma Jou tafetongo ahi ngofa-ngofaka, onangika gea kiani tadotoko duru de ma dubuho.” Hokogea Ma Jou ai higaro ma demo abe ma dodihiraino ihitulihukuoka.


De hokogea ahi higaro ma demo nginika angamoi Ngohi tinidora ngini. De onagona dika tadora, ona gea kiani Ngohi tataere de tadotoko onangika. Ho gea ngini kiani naga nia magawe la nihiniiki Ngohi de nia hininga ma gahumu, de gea kiani ngini nitoba de nilio Ngohino.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ