Sosawaro 3:11 - Ma Jou ai Demo-demo o Totobelohoka

¹¹ De ahi ngofaka naga ma oraha abe kiani Ma Jou o Yawe wonitaere eko wonidotoko de ma buturungu la notoba genangino abe naga ani wowangoka hiadono ko wonisanangiua. Ho ma oraha wonihitiai ani datorino hokogea de ufa noporete ai dodaerika de ufa ani hininga ihuhaholi ma titi Ma Jou kiani wonitaere hokogea.

Sosawaro 3:11 ပူးပေါင်းရင်းမြစ်များ

1 Korintusu 11:32

Masara nako hiadono kiani Ma Jou wonahohowono abe wonadotoko ngoneino, gea wonadotoko de wonaduhunu la wato wonahigilioli ma totiaiino. De hokogea Ma Jou wonadotoko la ahao ngone o hohowono ko hamakeua abe imaketero hoka o dunia ma nyawali manga hohowono ahao yamake.

2 Korintusu 4:1

De igoungu abe to ngomi mia tagongo la miatobahingahu-ngahu o Abari ma Rorahai o nyawaika, gea ma tagongo abe duru ihohailoa. De ma titi moi dika hiadono Ma Jou womihitagongo gea ngomino, abe ma titi to Una dika ai hininga ma doraka de aino ngomino. De ngaro ma karajaanga ko iuwinua ma titi ma kangela ka ihikaika naga, masara mangale ma titi ma tagongo gea duru ihohailoa ho hiadono ngomi naa ko idadiua mia domoroini ihihanga abe mia tagongika.

Ibarani 12:3

Ho abeika ngone hongano-nganono abe ma titi o Yesusu ai dongohono ma oraha Una o dunia ma lokuokahi womanoa. De gea ngaro o nyawa duru iwilawa-lawana Unangika masara Una womatongohono hiadono ko worehenua o totiai ma ngekomoka de aino. De to Una ai dongohono gea hongano-nganono la ufa ngone nanga hininga itubuho hiadono nanga ngongaku Unangika homahipipidili genangino.

Himatoko 3:19

De hokogea ahi higaro ma demo nginika angamoi Ngohi tinidora ngini. De onagona dika tadora, ona gea kiani Ngohi tataere de tadotoko onangika. Ho gea ngini kiani naga nia magawe la nihiniiki Ngohi de nia hininga ma gahumu, de gea kiani ngini nitoba de nilio Ngohino.