Sosawaro 28:5 - Ma Jou ai Demo-demo o Totobelohoka

⁵ De ona yotobadodiai o dorou dika ko yakunua yataoko o totiai (gea ma titi o kia), masara abe yomahuba-huba Ma Jou o Yaweika, ona manga hininga ka idadi yataoko de duru itararono.

Sosawaro 28:5 ပူးပေါင်းရင်းမြစ်များ

Sosawaro 2:9

Abeika ahi ngofaka, ani utumu ma ngoe Ma Jouino namake ma titi nomahitongona ahi behehongika! De mangale ani gogao Ma Jouika hokogea ho hiadono ngona nomangaratii nohidodiai nomahiaturu la ani wowango ma datoro irahai ma dumutu. Ho ani wowangoka nomaputuhu itaana, de naniiki ma totiai de ma gou-goungu, de ko nabudiua o nyawaika ani wowango ma dodagioka.

Yesaya 6:9

Ho Una wotemoli wato, “Ngona kiani noiki de nahingahu ahi nyawaika de notemo nato, ‘Ngaro ngini nihigali-gali nihigihene ahi demoino masara ngini ko nihiorikua. De ngini gea ngaro nihigali-gali niolega ahi datorino masara gea ngini ko nihiorikua ma titi genangino.’ Hokogea ahi hohowono ma demo abe ngona kiani nadofanga onangika.”

Yohanese 7:17

De ngini ka idadi nihioriki ahi dodotoko Ma Jouoka de aino. Angamoi ngaro onagona dika ma nako yairiki la ato yaniiki to Ma Jou ai hininga, gea ka de yoihene ma titi abe tadotoko onangika de ihioriki gea Ma Jouino dika de ma dodotoko gea ko Ngohinoua dika ma titi.”

Yakobusu 1:5

De nako hoka naga nia gianongoru abe wamao ai hiningaka abe ai sosawaro ka ikurangohi ho ko wohiorikua ai wowango ma datoro hokokia wodiai la itaana de Ma Jou ai mau, una gea koaho o sosawaro womagahoko Ma Jouino. Angamoi Una gea duru de ai hininga ma gahumu wonahidoaka ai sosawaro ngoneino de ko wonataerua, ho nako ai sosawaro ngone homagahoko Unangino, gea ahao wonahidoaka.

1 Yohanese 2:20

Masara nako ngini naa, ngini niagou-goungu nidadioka to Una ai nyawa angamoi nanga Baluhu wotebi-tebini winihidoakoka Ma Jou o Womaha nginika ho ngini mata-mata ma gou-goungu nihiorikoka.

1 Yohanese 2:27

Masara nako ngini, ngaro ufa dika de ona yotobabudi gea inidotoko nginika masara koaho nitotoihene ka Ma Jou o Womaha ai demoino dika. Angamoi ngini niwimakeoka Ma Jou o Womaha nia hininga homoi-homoioka abe ma dihiraino o Kristusu wihidoaka Una nginika. De mangale Ma Jou o Womaha naga nginioka ho ngaro ufa dika o nyawa utuoli gea inidotoko masara koaho ka Una dika winidotoko nginika. De Una gea ka idadi winidotoko ma titi mata-mataika abe ngini niperelu nia ngongaku ma wowangoka, de gea ai dodotokino moioo de ko iwa o ngeluku. Ho ngini kiani nimanoa to Una dika ai dodotokoka la gea o Kristusokaoo ngini ka ihikaika nimanoa.