Sosawaro 28:13 - Ma Jou ai Demo-demo o Totobelohoka

¹³ Onagona dika yoluku yomangaku manga howo-howono, ona gea manga wowangoino de manga utumu ko yamakeua. Masara ona abe yomangaku de yoporete manga howo-howonika, ona ahao Ma Jou ai dora ma hiokoo itagi onangika.

Sosawaro 28:13 ပူးပေါင်းရင်းမြစ်များ

Dodadi 4:9

De ahao Ma Jou wibole ma goa-goahi wileha o Kainika wato, “Kaini, ani dodoto una o kiaikaka?” De wipaluhu Ma Jouika wato, “Aiyaho, de ngohi naa ko tihiorikua, mode ngohi ahi dodoto ai gogoana?”

2 Samuele 12:13

De o Dautu duru itaiti womatoduba wato, “Ngohi naa duru tahowonoka Ma Jou o Yaweika.” De o Natana wipaluhu wato, “Ma Jou ani howono wonihiapongoka ho ngona ko nohonengua ma titi ani howono gea.

Higiriiri 51:10

Ahi Jou! Ngohi ahi hininga de ma pesekoka ho ngohi duru tomatoduba, De tomagahoko la nokarajaanga ahi hiningaka hiadono duru itebinoka, Ka idadi Ngona ahi hininga naturuuru de o hininga ma hungi ahi wowangoka.

Sosawaro 10:12

Nako o dohata ilaku o nyawa manga wowangoka gea ahao idadi o kapusaka ma amoko. Masara nako o dora ilaku o nyawa manga wowangoka gea ka idadi o hiapongo de o hilooa yapake hiadono o kangamoino ihimaata.

Yesaya 55:7

Abe o nyawa yotobadiai ma dorou kiani yoporetika manga howono gea la yanoaka dika. De kiani manga hininga ma dorou yomahipidili genangino la ibootohi itagi manga hiningaka. De gea yolio Ma Jou o Yaweino la Una ahao ai hininga ma dora ma hiokoo wapake onangika. Kiani iwigilio Una manga Jouika la Una duru waofi manga howono ai hininga ma rorahaiino.

Gogao 5:5

“Ho naa tinihingahuoka irupa-rupa abe ngini nidiai hiadono nimahipeseke Ngohi Ma Jou ahi himangoka. De naa tinihingahuoo ma hiaturu abe o nyawa kiani yaniiki ma oraha ihioriki manga howono naga Ma Jouika. Abe duru ihira yodiai kiani yomangaku abe yomahingahu Ngohino manga howono nagau.

Yunusu 3:10

De Ma Jou wamakeoka ona yagou-goungu yotobaka manga datoro itotorouino gea, ho ai dora itagi onangika de wato, “Itiai manga toduba hiadono manga dorou yanoaka, ho Ngohi naa ko tohiboauali onangika o bobinaaha abe hoka ma dihira tato tahohowono.” Hokogea Ma Jou ai demo.

Hidingoto 26:20

Abe ihira-hira de tahingahu-ngahu o Damasiki ma nyawaika abe hokokia tamakeoka ma himatoko ma goronaka, de ipahaino de o Yerusaleeme ma nyawaika tahingahu-ngahu, de o Yudea ma tonaka ma amokikaoo tahingahu-ngahu. De ino ino de onangoo abe ko o Yahudi ma nyawaikaua tahingahu-ngahu. De o nyawa mata-mataikaoo de duru tahigaro tato kiani yoporete manga howo-howono de yomangali Ma Jouika. De hongoli tahigaro tato ona kiani yotobadiai o datoro ma rorahai manga wowangoka la genangino de yomahitaana abe yagou-goungu yotobaka manga howo-howonino.”

Hihira 10:15

De ona yoihene ai demoino de iwipaluhu Ma Jou o Yaweika ato, “Koua, ufa hokogea nodiai! Ngona ani demoino de duru nagoungu abe ngomi naa miahowonoka. Ho mimagahoko la Ngona nomihohowono abe hokokia dika itaana de ani hininga. Masara iti o wange naa dika de Ngona nomiduhunu de nomihihupu mia musu manga giamoka de aino!”

1 Samuele 15:13

De ma oraha o Samuele woboa o Gigalino de o Saulu wimake ho wibuhuku de ai garago, wato, “Duru tonigahoko la Ma Jou o Yawe wonihiowa ngonaika. De Ma Jou o Yawe ai behehongo ngohino taniiki hiadono tabooto todiai mata-mata gea abe Una wohihibehehongoka la todiai.”

1 Samuele 15:24

Hokogea o Samuele witemo de ahao o Saulu womangaku ai howono, wato, “Igoungu, ngohi naa tahowonoka. Ahi baluhu, ani hiaturu ma demo de Ma Jou o Yawe ai behehongo ngohino, ko tagou-goungua taniiki angamoi duru tamodongo ahi nyawaika abe hokokia yodiai manga hininga ngohino nako to ona manga mau ko tahigunoaua yaniiki.

1 Samuele 15:30

Masara o Saulu duru womagahokoli wato, “Ahi baluhu, duru tomahioriki ngohi igoungu tahowonoka. Masara tomagahoko la nohitunguu to ngona ani horomati ngohino ahi nyawa de manga dimo-dimono manga himangoka. Ho duru tomagahoko la ngona nohiniiki ngohi la homahuba to ngona ani Jouika, Ma Jou o Yawe.” Hokogea womagahokoli.