Sosawaro 27:17 - Ma Jou ai Demo-demo o Totobelohoka

¹⁷ Ngone ka idadi hapake o behi (ma dobiki) moi la o behi moioli hogihoro. De hokogenangoo o nyawa manga borihininga ma lako utuohi idoto nako yomakodotoko.

Sosawaro 27:17 ပူးပေါင်းရင်းမြစ်များ

Yohanese 11:29

Ho o ngo Maria ka de moihene, ka dau de momaokoiye mato moiki Unangika.

1 Tesalonika 3:3

done nginioka naga abe nirehene nia ngongakuoka de aino ma titi abe ma oraha naa naga idadioka o nyawa inihikangela nginika. De gea igoungu ngini ma hirete nihiorikoka abe ngone hingaku-ngakuoka gea o kangela kiani ngone hohimanga.

2 Timotiusu 1:12

De igoungu duru ena gea ma titi hiadono ahi kangela naa tamake abe ihibuioka. Masara ngaro ahi kangela naa ma goronaka ma gea ko ihimalekua, angamoi tingakuoka o Kristusika, de Una gea duru tihioriki abe watobagou-goungu ma titi ai behehongo o kia dika wohibehehongoka. Ho naa duru tonganono de duru tongaku abe Una gea ahao wahitagongo o nyawa utuikali ahi tagongo gea la ahao onangoli yagoraka ma karajaanga gea abe ma dodihiraka wohihidoakoka ngohino. De gea duru tonganono Una ahao woogoana ma karajaanga gea ka hiadono ai gahe ma wange gea o Yesusu Kristusu woboali. Abe ma titi ngaro etohonenge, masara duru tongaku abe Una ahao ka ihikaika woogoana ai Abari ma Rorahai gea la ufa ihihanga ma ka idadi ka ihikaika itagiohi o nyawa utuika ka hiadono Una woboali. Ho ngonaoo kiani ani nganganono duru iputurungu Unangika de hiadono ufa inimaleke ma ka nohidagiohi ani karajaanga abe o Abari ma Rorahai o nyawaika ka nahingahu-ngahuohi.

2 Timotiusu 1:8

Ho naa ahi ngofaka, ufa hiadono inimaleke ma titi o Yesusu Kristusu nanga Baluhu idodutu abe to Una gea ai abari ngone hahingahu-ngahu o nyawaika. De ufa inimaleke ma titi ngohi, ngaro igoungu ngohi ma oraha naa naga ihibuikahi nenangoka angamoi tileleani Una. Masara koaho ngona ani tagongo gea ka nohidagiohi de ani hininga de ma domoroinoka la o Abari ma Rorahai ka nahingahu-ngahuohi o nyawaika. De ngaro ahao idadi abe o nyawa inihikangela hiadono ngonaoo ani kangela naga abe imaketero hoka to ngohioli ahi kangela, masara gea de ahao Ma Jou wonihiputurungu ani hiningaka de ka napoa.

2 Timotiusu 2:3

De naa ngonaoo kiani nomatongohono dika abe ma oraha inihikangela ngonaika, abe gea imaketero hoka ngohioli naa abe ngohi tomatongohono dika. De gea kiani nomatongohono abe imaketero hoka o tentara ma nyawa womatengo abe unangoo ngaro iwihikangela ma una ka womatongohono dika. De igoungu womatengo gea kiani womatongohono nako ai hiningaka watobagou-goungu ai dimonika. De nako to ngone nanga dimono, gea o Yesusu Kristusu.

Ibarani 10:24

De abeika ngone hafikiri nanga gogianongoru manga perelu de manga hininga la genangino ka idadi hohioriki hokokia homahikawangoro. De gea kiani homahikawangoro ngone o gogianongoruino la ngone duru homakodora de hotobadiai ma rorahai dika nanga wowangoka.

Yakobusu 1:2

Ahi gogianongoru, ngaro idadi abe o kangela o kia dika ma rupa niaohana nia wowangoka, ma gea ufa nia hininga ihuha, masara tanu ka idadiohi ngini duru nigarago dika, angamoi nia kangela gea tanu yataili nia ngongaku Ma Jouika la nako iputurungu eko kouahi.

Yosua 1:18

De mia baluhu, hokonaa minihibehehongo ngonaika, abe ngaro onagona dika inilawana ngonaika ma titi o kia dika nahuloko, ngomi abe miahihira onangika ko miahigunoaua la ona inilawana ngonaika. Ho onagona dika abe ani demo ko inihigihenua ngaro o kia dika nahuloko yodiai ma ko yodiaiua, de ona gea ahao ngomi miahohowono ka hiadono yohonenge. Iti ngona o Yosua, de ani buturungoka de ani domoroinoka!” Hokogea o Isiraele ma nyawa manga dimo-dimono manga behehongo o Yosuaika.

Yosua 2:24

Abe iwihingahu o Yosuaika ato, “Mia baluhu, duru igoungu, Ma Jou o Yawe wonahidoakoka ma tonaka mata-mataika gea! Hoka ma tonaka gea idadioka to ngone nanga kuahaka igogere angamoi o nyawa mata-mata gea doka ona inamodongoka ngoneino naa ka hiadono yatomomonoka. Hokogea mia baluhu ngomi miamake abe mia dodagi ma goronaka.” Hokogea o nauru yahinooto gea iwihingahu o Yosuaika.

1 Samuele 23:16

De ahao nagali o Saulu ai ngofaka o Yonatana una woiki la ka idadi witutumu o Dautu o Horesoka gea. De wiadono de o Yonatana wihigaro o Dautika de wihiputurungu ai ngongaku Ma Jouika.