Sosawaro 23:31 - Ma Jou ai Demo-demo o Totobelohoka

³¹ Ho koaho ufa homahigunoa la homalega ma angguru ma doka-dokarika hiadono nanga horoodo inahikala, abe ngaro ileto-letongo ma mangko ma goronaka de to ena ma mau ma rahai, masara ufa nanga hafini enangika ilaku.

Sosawaro 23:31 ပူးပေါင်းရင်းမြစ်များ

2 Samuele 11:2

De o wange moiuku o Dautu womaiduoka ai koioka de ahao womomikino o bobimaowaka de wohupu o koano ma tau daku ma poretiye de ai tau ma poretoka gea wotagi-tagi. De una womalega dau ai timiuku de womimake momatengo abe muna momaohiki de duru mohailoa.

Sosawaro 6:25

Ufa ngona nohafini de o ngofeka manga rahaiika, de ufa nomihigunoa monihiatara de ami lako hiadono monitauru ani hininga.

Maruku 9:47

De nako ani lako ma hononga inihiatara la nako norehene Ma Jouino, gea ani lako ma gomono nahuputoka de naumo dika. Koaho inihirafioka la idadi ani toba genangino de ahao nodoa o Horogaiye. Masara nako hiadono noiki o Narakaika, genangoka ngaro ani lako ma gahumu nagahi, ma, done o kiaka ma utumu namake ani lakoino?

Efesusu 5:18

De ufa ngini inidaluku, angamoi ma daluku gea ka idadi nia wowangoka ka ihikapusaka. Masara koaho nimahigunoa la ka ihikaika Ma Jou o Womaha winihilufungu ai kuahaka de winihihira-hira ngini homoi-homoi nia boriwowangoka.

1 Yohanese 2:16

De gea ko iwidoraua angamoi o dunia ma hininga mata-mata duru imakalawana de to Ma Jou ai hininga. Abe nako o dunia ma hininga gea naga ma dumutu hange. Abe hoka moi o nyawa manga hininga ma hafini ma dorouika, de naga moioli abe o kia dika naga manga lako yamake de gea yoigo yomahitoona, de naa moiohi abe o dunia ma hininga hangeino, de gea o nyawa manga sade ma titi manga kiahonanga ato bari iwoe de manga wowango ma gogere hatoli ikurutiye ho hiadono genangino de yomasade. Ho o dunia ma hininga gea duru ko o Babakaua de aino iboa masara ena gea ihititi ka o duniaka dika. De gea ma titi hiadono o nyawa abe yodora o duniaika de gea ona ko iwidoraua o Babaika.