Sosawaro 2:22 - Ma Jou ai Demo-demo o Totobelohoka

²² Masara o nau-nauru abe manga datoro ka ihikaika itorou, ona Ma Jou ahao wahihupu o behehongo ma tonakino gea. De ona abe yogogere o behehongo ma tonakoka de iwihibehehongo Ma Jouika ato iwiniiki masara iwilawana de ko yodiaiua abe iwihibehehongoka, ona gea ahao Ma Jou waumo hiadono ko idadiokaua yogogere o behehongo ma tonakoka gea.

Sosawaro 2:22 ပူးပေါင်းရင်းမြစ်များ

1 Kokoano 14:14

De ahao Ma Jou o Yawe ai uru ma dodofanga o Ahia gea ai hingahu wohigila-gila wato, “De Ma Jou o Yawe Una ahao naga womatengoli abe wiiriki de wihidadi o Isiraele ma nyawa manga koano. De o koano gea una ahao wahibinaaha ona mata-mata abe duru yadaene o Yerobeama ai tau ma nyawa idodutu. Duru o wange naa de Una Ma Jou womulaenge wodiai abe hoka wohibehehongoka. Ho ko itedekanokaua de mata-mata idadioka imaketero abe hoka ngohi, Ma Jou ai uru ma dodofanga, tonihingahuoka naa.

Higiriiri 104:35

De nenangoo ngohi tonganono la abe ona yatobahowono, Ona duru ihiofioka o dunia ma lokuoka; De ngaro abe ona yotobadiai itotorou dika, Onangoo toigo la yahihanga ka hiado-adonika. Masara nako ngohi de ahi hininga ma gahumu, Ka ihikaika ahi mau la tihigiriiri Ma Jou o Yawe! Hihigiriiri Ma Jou o Yaweika!”

Higiriiri 37:20

Masara hokogenangua de ona abe yotobadiai itotorou, Ma Jou o Yawe womalega onangika de waetongo ai musu. Ho ona hahiketero hoka o ruruubu ma huri ihohe jai-jai dika, De ahao ma hohailoa gea ikororomo de ko iwaka. Abe yotobadiai itotorou hoka o uku ma nofo abe ihailiye de ihihanga, Hokogea manga wowango jai-jai dika de ona ko yaiwaka.

Higiriiri 37:22

Ho ona abe manga hininga hokogea Ma Jou o Yawe wahiowa, De manga oara Unangino o tonaka abe ka idadi yoriidi genangoka. Masara ona abe manga wowango itorou hiadono kiani wahohowono, To ona manga wowango watobiki ho ka yohonenge dika.

Higiriiri 37:28

Ma Jou o Yawe ai dora itagi onagonaika dika iti yaniiki to Una ai totiai. De Una ko wanoaikaua ona abe manga dumutu la iwihisanangi. Ona abe ka ihikaika iwihisanangi, Una ka ihikaika wadatoko o boditoino. Masara ona abe yotobadiai itotorou manga ngofa-ngofaka yokangela, Abe manga dimono manga hohowono o bobinaahaika adaene onangikaoo.

Sosawaro 10:30

De ona abe Ma Jou ai totiaiika yanii-niiki ka ihikaika wahidogunoaika la manga tonakoka yogogere. Masara ona abe yodiai itorou Unangika ahao wahihupu manga tonakino.

Higalioli 29:20

De onagona dika nginioka abe yomahirehene hokogea, ahao Ma Jou o Yawe ko waofiua manga howono Unangika, de ipahaino to Una ai ngamo duru kohaamoko yadaene onanguku. Abe ma behehongo naa ma demo ma koboto de ma lolae mata-mata yahidotadaene onanguku, de genangino ma ngekomo hiadono Ma Jou duru wahihanga to ona gea manga roma-romanga la ibootohi o nyawa yofetongo to ona manga romanga.

Higalioli 29:28

De genangoo ma titi hiadono Ma Jou hoka wakiwuku ai nyawa manga tonakoka de yaino de wakiniiki o tonaka moiikali. Gea mata-mata idadi mangale ma titi to Una ai ngamo duru kohaamoko onangika, de gea marai duru itararono hamake o wange naa.’ Marai hokogea ahao o homoa ma nyawa yomakoketemo nako ma oraha adonoka.”