Sosawaro 2:21 - Ma Jou ai Demo-demo o Totobelohoka

²¹ Ona gea ka idadi yogogere ma tonakoka gea abe Ma Jou wahidoaka hoka wahibehehongoka. De nako ona yaniiki ma gou-goungu ma ngekomo de yodiai itiai gea yomahitaana o nyawa mata-mataika abe manga wowango yao itiai. De ona gea ka idadi ka ihikaika yogogere de yoriidi o behehongo ma tonakoka gea.

Sosawaro 2:21 ပူးပေါင်းရင်းမြစ်များ

Higiriiri 37:11

Masara ona abe manga hininga yomahitipokouku youtumu, Ona yamake manga tonaka abe ka idadi yoriidi genangoka. De yomahisanangi de manga hasili ilamoko de ma ijaoo ilamoko.

Higiriiri 37:18

Abe ona manga howono Ma Jou o Yawe ko waetongua, abe Una wato yototiai, Una o wange-wangeiye ona gea duru wapaliara irahai, De ona yamake manga oara Unangino abe ka hiado-adonika.

Higiriiri 37:22

Ho ona abe manga hininga hokogea Ma Jou o Yawe wahiowa, De manga oara Unangino o tonaka abe ka idadi yoriidi genangoka. Masara ona abe manga wowango itorou hiadono kiani wahohowono, To ona manga wowango watobiki ho ka yohonenge dika.

Higiriiri 37:29

Ona abe manga wowango ma datoro duru imakiniiki de Ma Jou ai totiai, To ona manga oara manga tonaka abe yogogere genangoka ka hiado-adonika.

Higiriiri 37:3

Kiani nimahinganono Ma Jou o Yaweika de nidiai ma rorahai, La gea niwango nisosanangi de nia gogere iriidi nia tonakoka,

Higiriiri 37:9

De abeika, ona abe yotobadiai itotorou ahao yahibinaahaka, Masara ona abe iwingaku Ma Jou o Yaweika ko yobinaahaua, De to ona manga tonaka yamake abe ka idadi yoriidi genangoka.

Sosawaro 10:30

De ona abe Ma Jou ai totiaiika yanii-niiki ka ihikaika wahidogunoaika la manga tonakoka yogogere. Masara ona abe yodiai itorou Unangika ahao wahihupu manga tonakino.