Sosawaro 2:2 - Ma Jou ai Demo-demo o Totobelohoka

² Irahai nako ngona nomaribuutu la nomadoihene ahi demoika la ma titi nataoko itiai. Angamoi ahi demoino gea ngona namake o sosawaro ma gou-goungu iti ka ihikaika nomahihohininga ahi demoika la ma titi nomangaratii utuohi itararono.

Sosawaro 2:2 ပူးပေါင်းရင်းမြစ်များ

Sosawaro 18:1

O nyawa onagona dika abe yomatingaka manga gogianongoruino, ona gea to ona ma hirete manga mau dika yolegaika, de gea manga hininga ka ihikaika imakalawana de utuoli manga hininga.

Sosawaro 2:3

De imaketero hoka o ngofaka duru yahafini hiadono yogari o inomika kiani ngonaoo duru nohafini o sosawaro ma demoika la nomangaratii to ena ma titi.

Sosawaro 4:1

Ahi ngofa-ngofaka nihihigihene ngohino. Nia baba ai dodotoko nginika naa kiani nitotoihene la ka idadi niataoko itiai la utuohi nisosawaro nia tobahiorikino.

Sosawaro 4:20

Gea ho hiadono nia baba tinihitiari ma ngoe ngini homoi-homoiika tato, “Ahi ngofaka, la duru nototoihene ahi demoika tonihigali-gali ngonaika, kiani nohidodiai nomadoihene!

Sosawaro 6:32

Masara nako naga womatengo abe wahowono de o ngofeka abe muna o nyawa utu ngoi fekata de hahidotelega una abe wotohi-tohiki, de gea ka unangohi duru wobodo abe wahowono o nyawa ngoi fekatika. De hokogea angamoi una womahibinaaha to una ma hirete ai nyawa.

Yesaya 55:3

“Koaho ngini nimatoomuino de nitotoihene Ngohino la ka idadi o wowango nimamake! De gea ahao tinihibehehongo moi nginika abe duru ko tawoha-wohangua ka hiado-adonika. De ahi behehongo gea ahao imakiniiki de ahi behehongo ma dihiraino abe tihibehehongo nia koano o Dautika.

Matiusu 13:9

Ho gea o Yesusu wohiketero ma ade-adeoka ibooto de wotemo onangika wato, “Onagona dika de manga ngaukoka kiani ihigihene ahi demoino.”

Hidingoto 17:11

De o Berea ma nyawa gea yototoihene manga hingahu ma demoika. Abe nako o Berea ma nyawa de o Tesalonika ma nyawa, masara ka o Berea ma nyawahi abe yosanangi yotoihene de yodafongo manga demo gea. De o wange-wangeiye ona yotoihene ipahaino de ahao yolingi-lingiri Ma Jou ai Demo-demoka la ihioriki nako o Paulusu de o Silasa manga dodotoko ma demoino de gea yagou-goungu eko koua.