Sosawaro 2:19 - Ma Jou ai Demo-demo o Totobelohoka

¹⁹ Angamoi o nauru abe womirekata munangika, una gea worehenoka o wowango ma ngekomino ho waniikoli o honenge ma ngekomika de duru wokangela wolio o wowango ma ngekomino.

Sosawaro 2:19 ပူးပေါင်းရင်းမြစ်များ

Higiriiri 16:11

Ngona Ma Jou ka ihikaika nohihisanangi ngohino, De nohihidumutu o wowango ma rorahai ma ngekomika. De Ngona ka ihikaika nohiniiki o ngekomika gea, Hiadono ahi garago duru ilamoko ma titi Ngona naga, De ahi wowango Ngonaka nohigila-gila ka hiado-adonika, Ho ka hiado-adonika Ngona o sosanangi nohiboa ahi wowangoka.

Sosawaro 4:18

“Masara o nyawa abe yaniiki o totiai gea to ona manga ngekomo hoka o wange ipotokaiha ma dararono abe itararono ma morikotiha de ka ihikaika idogo ma buturungu ma dararono gea ka hiadono o wange ikoronaiha. De imaketero hokogea idadi nako o nyawa yapake Ma Jou ai totiai abe gea ma ngekomo la ka ihikaika idogo ma buturungu manga totiai manga wowango ma datoroka.

Sosawaro 5:11

De ma bahaika ahi ngofaka, ngona duru nokokururihi ma titi ani odiri abe o panyakeino angamoi ma panyake gea aolomo ani roehika hiadono ani roehe de ani badanga ma buturungu amataka.

Sosawaro 5:6

Masara muna gea ko mopusingua o totiai ma ngekomika abe genangino kiani hoboa la hamake o wowango ma gou-goungu. De ngaro ami wowango ma biaha aika aino de ko iwa ma riidi o howono ma ngekomika masara hoka ko mohiorikua mafikiri ma totiai ma ngekomika.

Sosawaro 6:32

Masara nako naga womatengo abe wahowono de o ngofeka abe muna o nyawa utu ngoi fekata de hahidotelega una abe wotohi-tohiki, de gea ka unangohi duru wobodo abe wahowono o nyawa ngoi fekatika. De hokogea angamoi una womahibinaaha to una ma hirete ai nyawa.

Ibarani 6:18

Ho gea Ma Jou wonahibehehongo ngoneino de abe ai behehongo ma demo wotemoka, de ahao wodogo de womafetongo to Una ma hirete ai romanga, la ngone naa ka idadi duru homahinganono ai behehongika de gea nanga hininga duru ko idomo-domoua. Angamoi Una gea ngaro ai behehongo ma demoka eko ngaro ai romangoka ma duru ko idadiua woeluku. Ho ngone to Una ai nyawa abe nanga hininga homoi-homoi imanoa Unangoka la ka idadi wonagoana, ngone naa ka idadi homahinganono ma titi to Una ai behehongika abe wonahibehehongoka ngoneino, de ka idadi hohioriki abe nanga nganganono ma hasili ahao hamake Unangino.