Sosawaro 2:18 - Ma Jou ai Demo-demo o Totobelohoka

¹⁸ De nako to muna ami tauika nowohama gea imakadaene de noaguru ani honenge ma ngiika.

Sosawaro 2:18 ပူးပေါင်းရင်းမြစ်များ

Dodadi 49:15

De ka wamake ai gogere ma tonaka ma rahai, De una de ai magaweoka ai karajaanga watagongo, Hokogea o Isakara ma nyawa hiadono yodadi o huhuloko, De o karajaanga itubuho o nyawa utu yahikarajaanga.

Sosawaro 1:32

Hokogea o bodo ma nyawa manga bobaha o duniaka angamoi duru yaniiki abe ko ma totiaiikaua de ona gea hoka yodogiookika manga dorou ma goronaka ho manga giooko gea ena abe yatoma.

Sosawaro 9:18

Masara muna mabudi dika o nau-naurika gea, angamoi ona ko ihiorikuahi abe ona yohira-hira yowohama munangika ona nagau manga lungunoka.

Efesusu 5:5

De angamoi naa duru itararonoka ngoneino de duru hohiorikoka abe onagona dika yatobahowono de yomakitigi de abe ko manga fekatua eko manga rokatua, eko onagona dika yomahitobahitorou, ona gea ahao ko yamakeua manga gogere o Kristusu ai kuaha ma goronaka, abe ma oraha gea Ma Jou wonahigogere de to Una ai kuahaka la Una de o Kristusu wonahikoano ngone. De abe ona ka ihikaika naga manga horoodo o kiahonangika, gea onangoo ko yamakeua manga gogere o Kristusu ai kuaha ma goronaka. Ko yamakeua angamoi manga horoodo gea imaketero hoka yomahijou o kiahonangika de ko Ma Jouikaua.

Himatoko 21:8

Masara ona utu abe yohawana ihingaku Ngohino ho ona ihioluku de ko ihingakua, ona gea manga baha ahao yaumoikaka abe o uku ma ngooto ma goronaika. De hokogenangoo to ona manga hohowono abe ona yomahidadidorouoka, de onangoo yatotoma o nyawa, de ona abe yomakitigi ko itiaiua, de ona abe ka ihikaika yaniiki manga dodiai, de ona yomahuba-huba o popangaoika, de ona mata-mata abe yotobaelu-eluku. Ho ona gea mata-mata ahao manga baha yamake o uku ma ngooto ma goronaka, abe genangoka o uku de o uba itoka-tokara yauku onangika. De o uku ma ngooto gea ena abe ihiromanga enangika ato o hohonenge ma hinooto.” Hokogea to Una ai demo ngohino.

Himatoko 22:15

Masara nako ona utu abe yotobadiai itorou, ona gea ahao ko yowohamua ma kota ma goronaika. Abe ona gea ka ihikaika yaniiki manga dodiai, eko ngaro ona abe yomakitigi ko itiaiua, eko ngaro ona yatomaka o nyawa, eko ngaro ona abe yomahuba-huba o popangaoika, eko ngaro ona abe manga hiningaka duru yosanangi la o ngelu-ngeluku yaniiki, ma ona mata-mata gea duru ko idadiua Ma Jou ai kotaika yowohamika masara to ona manga ngi, gea hatoli imakitingakika.”