Sosawaro 2:14 - Ma Jou ai Demo-demo o Totobelohoka

¹⁴ Ho ona ko ihigiriiriua ma totiaiika masara ihigiriiri ma dorouika dika abe ihikawalimi de ma owa. Hokogea to ona manga hininga hiadono yoigo dika yodiai abe duru ihowono.

Sosawaro 2:14 ပူးပေါင်းရင်းမြစ်များ

Sosawaro 10:23

O nyawa abe yanii-niiki ma dorou yomahisosanangi de gea abe yodiai itorou, masara ngaro ona ato yososanangi masara gea ona duru yobodo. De naga o nyawa utu yaniiki ma totiai manga wowangoka de ona duru yososanangi yanii-niiki dika manga datoro ma rorahai gea. De ona abe manga tobahioriki ma gou-goungu naga, ona yososanangi gea ma titi yapake manga sosawaroino.

Sosawaro 4:16

Angamoi o nyawa ma dorou gea imaketero hoka ko yosanangiua yomaidu nako ko yodiaiuahi itorou de duru yoigo la ko yakiookuahi de o nyawa utu onangoo yahiruba ma dorouika.

Habaku 1:15

Ho o Babele manga tentara gea ona ka idadi imiamono dika hoka ngomi o nawoko de ona yapake o gumaa eko o homa ho igapanga imitaokino. De ona imitaoko ipaha de ahao ona mata-mata yokokimorene de yohagaaga!

Roma 1:32

De gea ma titi o kia hiadono manga datoro hokogea? Bote ma titi ona gea ko ihiorikua abe ahao Ma Jou wahohowono onangika? Koua, ona gea ihiorikoka abe nako Ma Jou ai Pareta, gea itemo ato onagona dika abe yatobaniiki o datoro ma dorou gea de kiani manga hohowono o honenge yadaene onanguku. De ngaro ma pareta ma demo ihiorikoka de itararono, masara ka oko dika yodiai ma dorou. De hongoli ona yosanangi dika nako o nyawa utuoli yotobadiai ma datoro ma dorou gea abe imaketero hoka onangoli ma hirete yotobadiai manga wowangoka. De hokogea o nyawa manga hininga abe ona yoluku yomahuba Unangika abe Una wonatulaadauku, de hiadono yolukoo iwihoromati Unangika. De genangino itararono abe Ma Jou ai hohowono onangika duru itiai de itaana ma titi manga hininga ma datorino.

1 Korintusu 13:6

De nako ma dorou naga, gea ona ko yosanangiua enangika, ma ka idadi ona duru yodogarago ma gou-goungika dika.