Sosawaro 2:12 - Ma Jou ai Demo-demo o Totobelohoka

¹² De naa tinihitararono ahi ngofaka o sosawaro abe imanoa to ngona ani hiningaka ka idadi inihidumutu o totiaiika ho hiadono inihikatingaka o dualono ma nyawaino de iniduhunu la ngona ko naniikua manga higaro ma demo ma dorouika.

Sosawaro 2:12 ပူးပေါင်းရင်းမြစ်များ

Sosawaro 10:32

O totiai ma nyawa manga uruino ihitobademo o demo abe ma rorahai dika. Masara ona abe manga datoroka itorou yapake manga uru ihidemo ihowono, ho manga demo ma dorou dika.

Sosawaro 13:20

Ngone abe hadodiawo onangika yosoo-sosawaro, ahao to ngoneoli nanga sosawaro ka idogo. Masara nako homakiniiki de o bodo ma nyawaika, ahao o kangela inadodamaa.

Sosawaro 23:33

De nagali ngone hato bote hamake de nanga lako o kiahonanga abe duru o fara moi, de nanga hiningaka de nanga demoka de duru holilifangoka! Ho gea koaho ngone duru homahitiari la ufa hiadono o daluku inahikala ngoneino!

Sosawaro 3:32

Angamoi Ma Jou o Yawe duru wodohata manga dorouika abe yotobadiai itorou hokogea. Masara ona abe manga datorino iwihisanangi Ma Jouika, ona gea duru wadodiawo onangika.

Sosawaro 6:12

De hokonenangoli o nyawa manga wowango ma datoro abe tahiromanga yotobatualono de ko iwa ma utumu manga wowangoka! Abe ona yotobadiai itorou muruono naga, abe hoka ona duru ka ihikaika yotobaeluku de manga demo.

Sosawaro 8:13

O nyawa mata-mata abe manga horomati ma modongo itagi Ma Jou o Yaweika duru ona yodohata ma dorouika. De angamoi ngohi Ma Jouoka de aino ho ngohioo duru todohata o sadeika. Ho duru todohata o nyawa manga hininga ma sade yapake hiadono yomahigiriiri la yomagorakiye. De ngohi todohatoo o rusi-rusika, de o doanika abe ena mata-mata duru ko imanoaua to ngohi ahi sosawaro ma gou-goungoka.

Sosawaro 9:6

Ngohi tinihigaro la kiani nianoaika nia wowango ma datoro abe duru aniiki o bodo ma hininga. Ti ngini nia wowango ma datoro ma biaha kiani gea nioporetika la nimangalioli o datorika abe genangino niamake o wowango ma gou-goungu. Ti ngini nia perelu o dodotoko abe genangino niamake o sosawaro abe inihidumutu o sosawaro ma ngekomika.

Hidingoto 20:30

De ngaro ngini naa masara ahao naga utu nia doomuino abe yahikawalimi to Una ai demo la ato ka idadi onangikali nanga gogianongoru yanii-niiki.

1 Korintusu 15:33

Ho naa ngohi tinihitiari tato, “Ngini naa ufa hiadono inihirehene hokogea!” Angamoi naga o demo ma dulu moi inahitiari ato, “Nako hadodiawo onangika manga datoro itorou, ahao to ngoneoo nanga biaha idadioka ma dorou.” Hokogea inahitiari o demo ma dulu gea.

2 Korintusu 6:17

De naga moioli abe Ma Jou wotemo ai nyawaika la wato ona yomatingaka o dorou ma nyawaino, wato, “Ngini kiani nihupu o nyawa gea manga hidogoronaino la nimatingaka onangoka de aino. De ufa nimahitigi to ona manga kiahonangika abe ipeseke to Ngohi ahi himangoka. De nako hokogea nimatingaka Ngohino, de gea Ngohi ahao tinidafongo.”