Sosawaro 2:10 - Ma Jou ai Demo-demo o Totobelohoka

¹⁰ De hokogea ani datoro angamoi naga o sosawaro imanoa to ngona ani hiningaka. De naga o tobahioriki ani badanga ma goronaka ho hiadono ani nyawaoo imaimono, abe naga ani badanga ma goronaka ani sosawaro ho enangoo igarago.

Sosawaro 2:10 ပူးပေါင်းရင်းမြစ်များ

Higiriiri 104:34

De tonganono Una wosanangi de ahi hininga mata-mata, Abe naa ngohi tomahingahuoka de toade-ade ma titi ai dulaada Angamoi ahi hininga gea ihititi ahi garagoka abe tamake Unangino, De naa ahi garago tohigilio Ma Jou o Yaweika de ahi higiriiri.

Higiriiri 19:10

Abe ngaro hohidotelega de o gurasi masara ka ai dodotokohi duru ihali, de ngaro naga o gurasi ma dutu ma amoko masara haetongo ko kia-kiaua ma titi. De ngaro de o momoroini ma gula masara ka ai dodotokohi ma mao irahai, abe ngaro ma gula gea ahao yomale o momoroini ma igutino, ma to Unangohi ai dodotoko duru imutiti.

Sosawaro 1:4

Abe o Saloomo ai hiowa ma demo nenanga ma titi inahiakunu ngone o nyawa la ngaro ona abe ko yososawaroua ma ka idadi yososawaro abe to una ai hiowa ma demoino yamake o sosawaro ma tobahioriki. De ngaro o goo-goduuru de o momoholehe ma nako yaniiki o Saloomo ai hiowa ma demo nenanga ka idadi yomafikiri la ka hiadono yobaluhu manga hiningaka.

Sosawaro 4:6

Abe nako o sosawaro ma demo noporetika ko idadiua namake o duduhunu ani wowangoka abe inidatoko o dorouino. Masara nako ngona nodora o sosawaro ma gou-goungu de ena gea duru idadi ani gogoana ka ihikaika ani wowangoka.” Hokogea ahi babaino ai dodotoko ngohino ho naa nginikali tadofanga ahi babaino ai hiowa ma demo la nginioo genangino inihiutumu.

Kolose 3:16

De kiani nimahigunoa la o Kristusu ai demo-demo imanoa nia kokihiningaka hiadono duru niongano-nganono ai demo gea. Abe kiani niapake nia tobahioriki ma gahumu ai demoino gea ma oraha nimakodotoko de ma oraha nimahiketehitiari. De abe ma oraha niapake o Higiriiri ma Nyanyianga ma buku abe ma dihira ihitulihukuoka, de o nyanyianga utuoli naga abe niwihigiriiri Ma Jou, gea mata-mata ka idadi ninyanyi la nimahiketehipoputurungu nia ngongakuoka. De abe ninyanyi, gea niwihigiriiri de nia hininga ma tarimakase Unangika.