Sosawaro 19:17 - Ma Jou ai Demo-demo o Totobelohoka

¹⁷ O nyawa onagona dika abe yahidoa-doaka o huha ma nyawaika, gea imakadaene dika hoka iwihibau ai kiahonanga Ma Jou o Yaweika, angamoi Una gea ahao wahibalaha de ma rorahai ona yahidoa-doakika.

Sosawaro 19:17 ပူးပေါင်းရင်းမြစ်များ

2 Samuele 12:6

De una naa kiani duru o domba ma beka gea waturuuru de o domba ma gahumu iata de angamoi hokogea wodiai itorou de angamoi ai dora ma hiokoo ko iwa unangoka hiadono ko wamaoua ai huha abe wihikangela gea.” Hokogea o Dautu ai demo ma ngamo o Natanika.

Matiusu 25:40

“De ahao Ngohi manga Koano tahingahu onangika tato, ‘Masara ma dihiraino de naga ma oraha abe ngini niaduhunoka to Ngohi ahi nyawa-nyawaika ma oraha abe naga manga perelu. De naa tagou-goungu tinihingahu abe nako niaduhunoka to Ngohi ahi nyawaika onagona dika de gea taetongo imaketero hoka ngini nihiduhunoka Ngohi naa. Abe ngaro ahi nyawa abe manga gogere ka itipokouku de onangika niaduhunu, gea imaketero Ngohi naa ma hirete ngini nihiduhunoka!’”

Lukasa 6:38

“De naa ma titi moioli ka idadi tinihigaro nginika. Abe Ngohi tato irahai ngini niahidoaka o nyawaika de nia hininga ma rorahaioka de aino. De nako ahi demo gea nianiiki, ahao ngini niamake ma hibalaha abe nginika. De gea ka ma hohutulua dika ma hibalaha ahao niamake, masara abe de ma boloioka! Abe gea hoka ma ngi moi abe duru aomangiye de ahao ka idogohi hiadono ma boloi ikopoauku! De ma duduga o kia dika abe ngini niapake o nyawaika, enangoo ma duduga abe ona yapake ma oraha ihibalaha nginika.”

Higalioli 24:19

Ma Jou wotemo wato, “De abe ma oraha ngini niale nia redi ma hasili de abe nia hou-hou ufa nialeoli. Kiani ma hou-hou gea nianoaika la idadi o huha ma nyawa manga inomo. Abe hoka ma oraha niautuku nia gandumu de utu iota-otakuku de gea ena nianoaika la ka idadi o homoaino ma nyawa abe yogogere nia hidogoronaka yomale. De nagali o gohihi, de o bao-bao, gea to onangoo manga inomo. De ahao Ngohi Ma Jou o Yawe, ti ngini nia Jou, tinihiowa nia karajaanga mata-mataino. Ho ngaro nia saitunu ma hofoko, eko nia angguru ma hofoko, eko nia redi ma hasili o kia dika naga abe ma oraha niale de ipurarahuku o tonakoka, eko ko nialeua ma titi ka ma gogilauohi, eko abe iwangoiye dika nia redi ma batingoka, ufa ena gea niogilio de niale. Masara nianoaika la ona abe yohu-huha gea ona dika ka idadi yomale. Ngohi Ma Jou tohiaturu hokogea la ngini nimahihohininga de ufa niawohanga abe ma dihira nia totofora yogogere o Mesiiri ma tonakokahi de manga karajaanga ko iwa ma gaji ho ona duru yohuha. Masara Ngohi Ma Jou o Yawe ko tawohangua de ka ihikaika manga kangela ma goronaka tahidailako manga inomo. Ho ngini, to Ngohi ahi nyawa, toigo nimaaduru to Ngohioli ahi hininga la nginioo nia dora itagi o huha ma nyawaika de gea niahidailako to onangoo manga perelu.” Hokogea Ma Jou ai hiaturu o Isiraele ma nyawaika ma dodihirainohi.

Filiipi 4:17

De ahi demo naa ko ma titiua la o hidoaka utuoli tomalingiri naa, masara toigo la ti ngini nia utumu niamake Ma Jouoka ma titi nia hidoakino, de gea nia utumu ka idadi itou-touniye Ma Jouoka.

Ibarani 6:10

De gea ma rorahai ahao niamake Unangino angamoi hohioriki Una gea duru itiai dika ai putuhu abe ma oraha waurusu o nyawaika. Ho mangale to Una ai putuhu ka itiai dika, ho Una duru ko wawohangua nia datoro ma rorahai, masara ahao ngini niamake nia utumu genangino. Abe ti ngini nia karajaanga abe nidiaioka Unangika de abe nia dora Unangika itagioka ma titi niatobaleleani nia gogianongoruika ma dihirainohi ka hiadono ma oraha naa naga. De gea nia datoro mata-mata duru ko wawohangua, masara ahao nia utumu Unangino niamake abe ma titi nia datorino gea.