Abe done sarakia o homoa ma nyawa imihioriki ngomi, abe ngohi de ani nyawa naa, minihisanangi nako Ngona ko nominiikua? Abeika, Ngona nomihidadi to Ngona ani nyawa ho mimakohowono de o dunia ma nyawa utu mata-mataika. Masara nako Ngona ko nominiikua de done hokokia o nyawa imimake de imihikohowono de ona?” Hokogea o Musa waademo ona mata-mataika.
Sosawaro 18:1 - Ma Jou ai Demo-demo o Totobelohoka1 O nyawa onagona dika abe yomatingaka manga gogianongoruino, ona gea to ona ma hirete manga mau dika yolegaika, de gea manga hininga ka ihikaika imakalawana de utuoli manga hininga. အခန်းကိုကြည့်ပါ။ |
Sosawaro 18:1
22 ပူးပေါင်းရင်းမြစ်များ
Nako hiadono ngone de nanga dodiawo homaketeliliaroka, gea duru ihuha hohipidili genangino. Angamoi gea imaketero hoka o boto moi ipidahoka, abe duru ko igapangua itogumu ihahuruku. Ho koaho ma liliara gea ko idadiuahi de ngone homahitiari de homatongohono nanga uru ma demoino la ufa hiadono imulaenge / idadi.
De o Yesusu wapaluhu onangika wato, “Ma dihiraino o nyawa ko ihiorikuahi Ma Jou ai dogogono abe ma titi hokokia Una wahikoano ai nyawaika. Masara ma oraha naa Una ai dogogono gea winihimatokoka nginika abe nihinii-niiki la wato ngini ka idadi nihioriki. Masara naga o nyawa utuoli gea abe tanu ko iwa manga hininga Ma Jouika ho Una ko wahidoakua onangika la wato ufa ihioriki.
De o Yesusu o hiketero moioli woade-ade ona iwitobanii-niikika wato, “De naa o hiketero moioli tinihingahu abe ma titi hokokia Ma Jou wahikoano ai nyawa. De hokonaa ma hiketero. De naga ma dihiraino abe o nyawa yagogono o kiahonanga duru ma hali-hali abe manga redioka dau ma tonaka ma goronaka. De ipahaino ma nyawa gea yohonenge ho ko moiokaua ihioriki ma gogogono ma ngi gea. De ahao ipahaino o wange moiuku de o nauru womatengoli wokarajaanga ma redioka gea de wamake ma kiahonanga ma hali-hali gea ma tonakoka. Ho una gea duru wogaragoholi ho ka wopohukukuoli ma hali-hali gea de una womataiti woiki la to una ma hirete ai kiahonanga mata-mata wakokifukunoka. De ma tiwi abe wamake ai kiahonangino, gea wapake la womaijaino ma redi ma tonaka gea la ka idadi womahitouna abe ma kiahonanga duru ihali-hali gea. De hokogea tohiketero abe Ma Jou ai hiowa duru kohaamoko gea abe ai nyawa yamake ma oraha Una wahikoano onangika, ho tato ai hiowa gea hoka o kiahonanga duru ma hali-hali hiadono ngaro mata-mataika masara ka enangohi de ma ijaka.”
De o Yesusu wapaluhu onangika wato, “Ma dihiraino o nyawa ko ihiorikuahi Ma Jou ai dogogono abe ma titi hokokia Una wahikoano ai nyawaika. Masara ma oraha naa de Una winihimatokoka nginika ai dogogono gea la wato ngini naa ka idadi nihioriki. Masara ona abe nagahi ma poretoka abe ma titi ko yoboauahi Ma Jouino ho ko yodadiuahi to Una ai nyawa, ona gea Ma Jou wato borotaua de ona ihioriki abe ma titi hokokia ai nyawaika wahikoano. De gea ena ma titi hiadono Ngohi tadotoko de o hiketero ma ade-ade dika tatobapake.
Ahi gogianongoru o Yesusu Kristusoka abe o Roma ma kotaka nimanoa. Ngohi naa o Paulusu to Yesusu Kristusu ai huhuloko, de naa ahi tabea tohidingoto ngini mata-mataika. De abe ma titi to ngohi ahi tagongo, ngohi wohitingakoka Ma Jou de wohiahoko la todadi o hidingoto ma nyawa abe to Una ai Abari ma Rorahai ngohi tahingahu-ngahu o nyawaika.
De naga moioli abe Ma Jou wotemo ai nyawaika la wato ona yomatingaka o dorou ma nyawaino, wato, “Ngini kiani nihupu o nyawa gea manga hidogoronaino la nimatingaka onangoka de aino. De ufa nimahitigi to ona manga kiahonangika abe ipeseke to Ngohi ahi himangoka. De nako hokogea nimatingaka Ngohino, de gea Ngohi ahao tinidafongo.”
ကြော်ငြာတွေ