Sosawaro 17:22 - Ma Jou ai Demo-demo o Totobelohoka

²² Nako homorene doka nanga hiningaka, gea imaketero hoka o houru ma doto abe duru inaduhunu. Masara nako ka ihikaika nanga hininga ma dubuho naga, gea ahao nanga magawe ihihanga de nanga badangoo ilamaanoka.

Sosawaro 17:22 ပူးပေါင်းရင်းမြစ်များ

Higiriiri 22:15

Ahi roehe yodudungoka ka hiadono ahi buturungu enangoo iowahoka, Imaketero de o tonaka ma tau-taulu abe awoerika o wangeoka hiadono itogowinoka, Hokogea ahi roehe hiadono ahi akiroo imakahumu de ahi uru ma roehe, Ngohi tamao hoka nohikelenga nohiwoere o ngekomo ma kuhuhunoka, De hiadono ahi roehe ngade-ngade idadioka o honenge ma dirihi.

Sosawaro 12:25

Nanga hininga ma pusingi duru inahitubuho, masara nanga dodiawo manga higaro ma demo ma rorahai duru inahiuwini hiadono nanga garago ilioli.

Tobadotoko 2:2

Ho ngohi tato ngaro ngone ka ihikaika horame-rame la hotobagiete dika, masara gea duru ko iwa ma titi. De nako homahisosanangi dika, enangoo ko iwa ma dumutu!

2 Korintusu 2:7

De naa adonoka ma oraha la ngini niwiapongo de ka idadi niwilaru unangika, done de ai hininga ma dubuho iwilufungu. Angamoi nako ka ihikaika ai hininga itubuho done ahao duru iwilutu genangoka ho ai hininga ko idadiokaua ilio abe hoka ma dihirali.

2 Korintusu 7:10

De gea igoungu naga o hininga ma huha o fara moi abe Ma Jou ka idadi wapake nanga hiningaka la gea ka idadi ihihofoko o toduba nanga hiningaka. De nanga todubaino gea hiadono hanoa nanga howono de hiniikoli Ma Jouika. De gea ahao nanga gogao ma rorahai ilioli Unangika, ho ngomi ka idadi duru misanangi ma titi o hininga ma toduba gea angamoi ihihofoko ma rorahai o nyawa manga wowangoka. Masara nako o hininga ma huha abe iboa ka o duniaka de aino, gea ko idadiua yaduhunu o nyawa manga howonino, ho o duniaka ma hininga ma huha ihihofoko ka o hone-honenge dika.