Sosawaro 14:15 - Ma Jou ai Demo-demo o Totobelohoka

¹⁵ O nyawa abe yotangakuholi ngaro ma demo o kia dika masara ka idadi yongaku enangika. Masara ona yosoo-sosawaro duru yatailako manga hininga ma dodagi la ka idadi ihioriki manga dumutu o kiaika.

Sosawaro 14:15 ပူးပေါင်းရင်းမြစ်များ

2 Samuele 1:5

De ahao o Dautu wilehali o naurika gea, wato, “De ngona hokokia nohioriki abe o Saulu de ai ngofaka o Yonatana yohonengoka?”

1 Kokoano 2:18

De ai gogahoko gea muna moihene ipaha de ahao mipaluhu mato, “Ka idadi ani demo gea tidofanga unangika.”

Sosawaro 4:26

De nihidodiai nia lou la gea nianiiki dika o totiai ma ngekomo, de genangika dika niboa, la ka ihikaika nimangiriki itiai la ko niboditoua.

Hidingoto 13:7

De una gea wokarajaanga manga gubernuuroka, abe ma nuuhoka gea manga gubernuuru ai romanga o Segiusu Paulusu. De manga gubernuuru gea duru wososawaro. Ho ipahaino de ma gubernuuru woihenino ma titi o Baranabasa de o Saulusu naga ai kapongoka ho wahokino la iwitutumu angamoi woigo woihene Ma Jou ai Demo-demo onangino.

Efesusu 4:14

De hokogea tonahigaro la tato ibootohi homaaduru abe hoka o ngofa-ngofakoli manga hininga abe ona gea imaketero hoka o lulu ho ka ihikaika manga hininga yao aika aino. Abe nako o ngofa-ngofaka, ona gea ngaro ma dihiraino de hadotokokau onangika, masara nako o dodotoko o fara moioli ahao yoihene, de gea hatoli igapanga manga hininga aturuuruoli de aniikoli ma dodotoko ma hungi gea. Ho naa ngohi tonahitiari tato naga o nyawa utu abe yososawaro yodoto-dotoko, masara gea yotobaelu-eluku de manga dodotoko ma rerehene la ato inabudi la onangikali haniiki. Ho ngone naa ufa inabudi de ufa o dodotoko o fara moioli haniiki.

Efesusu 5:17

De ngini ufa nimaaduru hoka onangoli abe ko kia-kiauahi ihioriki Ma Jou ai hiningaino, masara koaho nihidodiai la niataoko itiai nanga Baluhu idodutu ai mau nginika.

1 Yohanese 4:1

De ahi gogianongoru abe duru tinidora nginika, naa moi tinihitiari ma titi o nyawa utu manga dodotoko de manga hingahu ma demo. Abe ngaro o nyawa yomahingahu ato bari Ma Jou o Womahoka de aino iboa manga demo, ma gea kalioli ngini nitangakuholi manga demoika gea, masara koaho ihira niatailakohi manga demo la nihioriki gea iboa Ma Jouoka de aino ekola o womaha utuokali de aino iboa manga demo gea. De tinihitiari hokogea angamoi naga o nyawa ko manga ngoeoka o duniaka naa abe yomahiromanga ato Ma Jou ai uru ma dodofanga, masara ona gea yotobaeluku dika de gea ko Ma Jou ai demoua abe o nyawaika yahingahu-ngahu.