Sosawaro 14:12 - Ma Jou ai Demo-demo o Totobelohoka

¹² Naga utu ngone o nyawa nanga hininga ma dodagi abe haetongo duru irahai, masara ma dodagi gea ma dumutu o hohonengika.

Sosawaro 14:12 ပူးပေါင်းရင်းမြစ်များ

1 Kokoano 12:26

De hokonaa o Yerobeama ai hininga womafikiri, wato, “Nako ngohi ko tomahidodiaiua done o Isiraele ma nyawa ahao yomaturuuruoli yomahikoano o Dautu ai ngofa-ngofakuku.

1 Kokoano 12:28

Ho o Yerobeama wolingiri o hiowa ma demo ona yososawaroino, abe una wairikoka la iwiduhunu, de ahao o Yerobeama womaputuhu la una wodiai o popangao abe ma rupa o hapi ma ngofaka hinooto o gurasi ma dutuino. O hapi ma ngofaka hinooto gea wodiai ibooto de ahao ena gea wahimatoko ai kokawaahaika wato, “Ngini o Isiraele ma nyawa mata-mata kiani nitotoihene, naa ena abe ma dihiraino inihihupu o Mesiiri ma tonakino. De abeika ti ngini nia kangela ilamoko nako ka ihikaika kiani niloiki ma gurutika daku o Yerusaleemiye la nimahuba genangoka. Ho irahai to ngone nanga tonakoka dika nimahuba-huba enangika naa abe ma dihiraino inaduhunu.” Hokogea wahigaro ai kokawaahaika.

Sosawaro 12:15

O bodo ma nyawa yomaetongo to ona ma hirete manga hininga ma dodagi de ato duru itaana, masara nako o nyawa yahigihene o higaro ma demoika, ona gea abe yososawaro.

Lukasa 13:24

“Gea ufa nipusingi ma titi yamuruono naga abe wadafongo Ma Jou. Masara naa ena ka idadi nimafikirohi. O Horoga ma ngorana ieteke, ho ngini kiani nimahiribuutu la ka idadi niwohama ma ngoranika gea. Angamoi tagou-goungu tinihingahu abe ahao naga ma oraha abe o nyawa manga ngoe yoigo yowohama genangika ma ko idadiokaua angamoi yokokapaangoka.”

Roma 6:21

Abeika, ahi gogianongoru. Ma dihiraino abe ngini niatobahowono Ma Jouika, de gea ma hofoko o kia niamake genangino? Naga ma hofoko ma hohailoa niamake? Koua! Abe ngaro ma oraha naa de nimahohininga nia datoro ma dihiraino gea de inimaleke nia borihiningaka! De gea ngaro ufa de hoheranga, angamoi nia datoro gea ma hofoko ka o hone-honenge!

Galatia 6:3

De gea nako naga onagona dika nginioka abe yomagoraka de yomatemo ato ona hatoli yokurutiye nia doomuoka ho gea ngaro ufa dika de manga gogianongoruika yaduhunu, ona gea duru yomabudioka. Angamoi ona manga hiningaka ato yokurutiye, masara ona gea tanu yomahitaanoka abe ona duru ko kia-kiaua.

Efesusu 5:6

Ho mangale ma titi gea ma dorou duru Ma Jou wodohata, ho ahao naga ma oraha abe Una kiani wahohowono o nyawaika abe ona iwilawana de ona abe yotobadiai ma dorou gea. De masara igoungu naga utu o nyawa abe yoigo inibudi nginika de manga demo abe ko iwa ma titi, de gea hoka yotemo ato, “Ufa hopusingi abe hokokia nanga wowango ma datoro, angamoi nako Ma Jou Una duru ko wonahohowonua ngoneino.” De ngaro hokogea manga higaro ma demo nginika, ma ufa hiadono inibudi.

Yakobusu 1:22

De ngini kiani ka ihikaika niatobanii-niiki to Una ai demo gea nia wowango ma goronaka, de ufa ka niihe-ihene dika genangino ma ko nidiaiua, angamoi nako hokogea de ngini nimabudioka abe niato ma titi niihene dika ai demoino de Ma Jou winisanangi nginika. Masara genangino de ngini duru niangofu Ma Jou ai mau.