Sosawaro 12:11 - Ma Jou ai Demo-demo o Totobelohoka

¹¹ Onagona dika yotobakarajaanga manga dumuleoka ahao manga inomo duru yawedonoka, masara ona abe ka ihikaika yaniiki manga hininga ma homoa, ona gea ko iwa manga sosawaro.

Sosawaro 12:11 ပူးပေါင်းရင်းမြစ်များ

Dodadi 3:19

De ngona ahao nomakarajaanga hiadono ani gahauku ma amoko de duru nokangelaka de ahao ani inomo namake. Ho ka ihikaika hokogea hiadono nohonenge de gea nolio o tonakuku, angamoi ngona nodadi o tonakino de ahao o tonakukuoli nolio.” Hokogea Ma Jou ai hohowono o nyawaika.

Sosawaro 13:20

Ngone abe hadodiawo onangika yosoo-sosawaro, ahao to ngoneoli nanga sosawaro ka idogo. Masara nako homakiniiki de o bodo ma nyawaika, ahao o kangela inadodamaa.

Sosawaro 20:13

Onagona dika duru yodebeturu hiadono ka ihikaika yomaidu-idu dika, gea ahao yodadi o huha ma nyawa. Masara nako ka ihikaika naga nanga magawe o karajaangika, gea nanga inomo ko iowa-owahua.

Sosawaro 6:32

Masara nako naga womatengo abe wahowono de o ngofeka abe muna o nyawa utu ngoi fekata de hahidotelega una abe wotohi-tohiki, de gea ka unangohi duru wobodo abe wahowono o nyawa ngoi fekatika. De hokogea angamoi una womahibinaaha to una ma hirete ai nyawa.

Sosawaro 7:7

De timake womatengo o goduuru abe ai hininga ko ibaluhuahi de ai tobahiorikoo ma, ko iwahi abe hoka ngone hoperelu la nanga wowango hao itiai.

Sosawaro 9:13

De naga momatengoli abe naga mahigaro o nyawaika ami romanga o ngo Bodo. Muna gea ami demo hoka o budi abe mofeto-feto de ko iwa ma horomati. Abe to muna ami tobahioriki o sosawaroino ko iwa masara ngaro hokogea ma, muna ko mohiorikua abe ko mososawaroua.

Sosawaro 9:16

De o ngo Bodo gea ka de mimake de miahoko mato, “Ei ngona ka idadi nohidulu ngohino! Abeika nowohamino angamoi ngaro onagona dika abe manga tobahioriki ka ikurangohi, ona gea ka idadi ngohino dika ihidulu-dulu!

Sosawaro 9:6

Ngohi tinihigaro la kiani nianoaika nia wowango ma datoro abe duru aniiki o bodo ma hininga. Ti ngini nia wowango ma datoro ma biaha kiani gea nioporetika la nimangalioli o datorika abe genangino niamake o wowango ma gou-goungu. Ti ngini nia perelu o dodotoko abe genangino niamake o sosawaro abe inihidumutu o sosawaro ma ngekomika.

Yunusu 2:8

Ona abe yomahinganono manga popangaoika dika, ona gea inikokiporetoka ngaro Ngona nadora, de gea manga nganganono parahaja dika.

Efesusu 4:28

De abe naga utu nginioka nitobatohiki o nyawa utu manga kiahonanga, gea ibootohi nitohiki, masara koaho nimakarajaanga irahai de ti ngini nia giama la ka idadi nimahidailako nia perelu. De gea ahao ka idadi niaduhunu abe ona yohu-huhaika, abe naga nia karajaanga ma hasilino abe gea ka idadi niahikodoku onangika.

2 Tesalonika 3:8

De ma oraha gea ka nginiokahi de ngomi ko ma moiuahi miodafongo o inomo nginioka de aino abe nako ka nimihidoaka dika masara gea mia inomo mata-mata mimaija nginino. De gea ngomi duru ka ihikaika mikarajaanga o futu de o wange done ngomi minihitubuho ma titi to ngomi mia perelu.

Hihira 9:4

De ahao ma balu-baluhu gea iwihidoaka ma tiwi o haaka ise-senge moritumidi unangika. Abe manga kotaka gea yomahijou o Baala-Beritika ho naga to ena ma tau abe genangoka yomahuba-huba enangika. De ma tiwi gea yagoraka to ena ma tauino, abe o nyawa ihidoa-doaka manga tiwi ma oraha yomahuba enangika. Ho o Abimeleke wao ma tiwi gea de wahewa o nyawa yamuruono naga abe manga hiningaka de ko yopusingua o dorou yotobadiai. De wahewa ipaha de ona iwitobanii-niiki to una ai demoika.