Sosawaro 11:11 - Ma Jou ai Demo-demo o Totobelohoka

¹¹ Angamoi o totiai ma nyawa manga rorahaiino de yahiutumu ona mata-mata o kota ma amokika, masara ma titi o dorou ma nyawa manga uru ma demoino hiadono manga kota yahikapusaka.

Sosawaro 11:11 ပူးပေါင်းရင်းမြစ်များ

Dodadi 45:8

Igoungu, ko nginiua nihihidingoto ngohi nenangino masara Ma Jou wohihidingotino. De Una wohihidadi la ngohi naa o Firaunu duru wohingaku imaketero hoka o ngofaka wingaku ai babaika. Hokogea Ma Jou wohihidadi o hihira o Mesiiri ma tonakoka naa hiadono manga popareta mata-mataika ahi kuahaka ka hiadono o Firaunu ai tauikaoo igogere to ngohi ahi hiaturoka.”

Sosawaro 11:10

Nako o kota moi ma goronaka de o totiai ma nyawa yomamake manga hofoko de manga utumu ma rorahai, gea ahao o nyawa mata-mata ma kotaka de duru yomorene dika. De nako o dorou ma nyawa genangoka yohonenge, ahao o nyawa mata-mata duru yogarago.

Sosawaro 14:34

Nako o dutu moi manga wowango ma datoro itotiai, gea o nyawa yahigiriiri onangika de yaetongo ato yokokurutiye. Ma nako o dutu moi de yatobahowono Unangika, gea ahao o maleke dika yomadiai.

Yakobusu 3:6

De naa ngohi tohiketero to ngone nanga akiri de ma uku gea. De nanga akiri ka idadi hohiromanga enangika hato ena gea imaketero hoka o uku moi abe o Ibilihi ma haeke ihiwango o Naraka ma ukuino abe ena gea duru ko ihone-honengua. Angamoi ma dorou irupa-rupa abe idadi ngoneoka, gea ihititi nanga akiroka, de genangino ahao ihupu nanga uru ma demoino ko itiaiua. De gea ma titi nanga demoino hiadono ma dorou gea imahora nanga badanga ma amokika ho ngaro nanga hiningakaoo eko ngaro nanga badangokaoo masara gea homahipesekoka mata-mataika. Ho to ngone nanga wowango ma ngekomo ka idadi duru ihibinaahaka ma titi nanga demo gea abe ipaata nanga akiroka de aino. De gea ma titi hiadono tohiromanga nanga akiri tato gea imaketero abe hoka o uku, angamoi ngaro ma eteteke masara o bobinaaha duru ma amoko ka idadi enangoka de aino iboa.