Sosawaro 11:10 - Ma Jou ai Demo-demo o Totobelohoka

¹⁰ Nako o kota moi ma goronaka de o totiai ma nyawa yomamake manga hofoko de manga utumu ma rorahai, gea ahao o nyawa mata-mata ma kotaka de duru yomorene dika. De nako o dorou ma nyawa genangoka yohonenge, ahao o nyawa mata-mata duru yogarago.

Sosawaro 11:10 ပူးပေါင်းရင်းမြစ်များ

Huhupu 15:21

De o ngo Miriama monyanyi manga nyanyianga naa: “Ngohi naa tonyanyi - tihigiriiri Ma Jou o Yaweiye, Duru wokokurutiye ho ka Unangohi duru tigorakiye. O kuda de ona o kudaka yokokifarenuku, Ka ma moi Ma Jou wahidotumoka o gahioko.”

Sosawaro 11:11

Angamoi o totiai ma nyawa manga rorahaiino de yahiutumu ona mata-mata o kota ma amokika, masara ma titi o dorou ma nyawa manga uru ma demoino hiadono manga kota yahikapusaka.

Sosawaro 28:28

Nako o dorou ma nyawa yodadi de manga kuahaka, o kokawaaha yomagogono ma titi yamodongo manga balu-baluhika gea. Masara abe ma oraha o dorou ma nyawa gea yahiguti manga kaderaka de yauku, gea ahao o totiai ma nyawa yaturuuru ho onangoli ka idadi yamake manga gogogere ikokurutiye.

Sosawaro 29:2

Abe ma oraha o totiai ma nyawa de manga kuahaka, gea ahao manga kokawaaha yogogarago. Masara nako hiadono o dorou ma nyawa yodadi manga balu-baluhu, gea o kokawaaha duru yokururihi dika angamoi yokangelaka.

Hihira 5:31

“Ngona Ma Jou o Yawe ani musu o Sisera wohonengoka, De ngaro nodiai la ani musu mata-mataika onangoo hoka unangoli! Masara o nyawa mata-mataika abe inidora ngaro ona nahiputurungu, La manga buturungu hohiketero de o wange ma buturungu, Hoka o wange ma dararono ma oraha ipotokaiha duru de ma buturungoka, De ngaro hokogea ka ihikaika ani nyawa manga buturungu.” Hokogea manga lolaku ma kabaata abe o ngo Debora modiai de ahao abe muna de o Baraka yonyanyi ma oraha ihirame-rame manga lolaku. De gea o Isiraele ma nyawa manga musu yahikalaka de ahao yomakao de o dame hiadono o taongo moruatino duru iriidi o Kanani ma tonaka ma amokika.