Sosawaro 10:29 - Ma Jou ai Demo-demo o Totobelohoka

²⁹ Ma Jou o Yawe Una wodadi to ona manga gogoana ma tau o nyawaika abe manga wowango ma datoro itiai. Masara Una wodadi to ona manga bobinaaha abe to ona manga wowangoka yotobadiai itorou.

Sosawaro 10:29 ပူးပေါင်းရင်းမြစ်များ

Higiriiri 1:6

Angamoi yototiai manga wowango ma dodagi Ma Jou o Yawe wagoana, Abe ihititi dau de ka hiadono doka ma bahaika Ma Jou wahihira-hira. Masara ona yatobahowo-howono manga wowango ma dodagi imakohowono, Angamoi to ona manga dumutu o bobinaahaika dika.

Higiriiri 37:20

Masara hokogenangua de ona abe yotobadiai itotorou, Ma Jou o Yawe womalega onangika de waetongo ai musu. Ho ona hahiketero hoka o ruruubu ma huri ihohe jai-jai dika, De ahao ma hohailoa gea ikororomo de ko iwaka. Abe yotobadiai itotorou hoka o uku ma nofo abe ihailiye de ihihanga, Hokogea manga wowango jai-jai dika de ona ko yaiwaka.

Yesaya 40:31

Masara onagona dika yomahinganono Ma Jou o Yaweika ona ahao yamake manga buturungu ma hungi Unangoka. De ona ka dau de yomahiburahiye de yotagi-tagi de ko yaboleua. De hongoli ona ka idadi yomapopaata de manga badanga ko yolamaanua. De nako hahiketero ona de o koloba, gea ona ka idadi yohoho duru ikurutiye ma titi ma gafuufu ma bobuturungu. De hokogea Una wahiputurungu onangika abe yomahinganono ai duduhunika.

Filiipi 4:13

De ma titi o kia hiadono ka idadi toriidi? Ngohi ka tapoa toriidi angamoi ma buturungu o Kristusoka de aino wohihidoaka. Ho ngaro o kia dika naga iboa ngohino, ma, ngohi ka tapoa tolaku angamoi naga ngohioka ma buturungu gea abe Una wohihidoaka ngohino.