Sosawaro 10:28 - Ma Jou ai Demo-demo o Totobelohoka

²⁸ O totiai ma nyawa yongano-nganono ma owa de ahao de to ona manga garago ma amoko yamake. Ma abeika ona yototualono ngaro onangoo yomahinganono ma owa yamake masara manga nganganonika gea ka parahaja dika.

Sosawaro 10:28 ပူးပေါင်းရင်းမြစ်များ

Higiriiri 16:9

Ho de ma titi gea hiadono to ngohi ahi jiwa duru isanangi, De to ngohi ahi hininga duru ka ihikaika igogarago, Hiadono ka ihikaika ahi higiriiri tohiboa-boaka Unangiye. De angamoi Una Ma Jou o Yawe abe wohigoa-goana, Ho ngohi ka ihikaika duru toriidi tomanoa Unangoka.

Roma 12:12

De ngini nigogarago ma titi to ngone nanga nganganono, angamoi gea ngone duru hohioriki abe Ma Jou ahao wonahidoaka nanga utumu ngoneino. De abe nako o kangela niaohana, gea ngini nimatongohono nia ngongakuoka. De ngini ka ihikaika nimaniata Ma Jouiye.

Roma 15:13

De naa tinigahoko Ma Jouika abe Unangoka dika nanga nganganono ma titi. De tinigahoko Unangika la winihidoaka o garago de o hininga ma miriidi nginika mangale ma titi nia ngongaku nagau Unangika. De hokogea tinigahoko la hiadono Ma Jou o Womaha ai kuahaino de ka idogo-dogo nia nganganono Ma Jouika.

Roma 5:2

De naga utuoli ma utumu hamake ma titi nanga ngongaku Unangika. Abe mangale ma titi ngone hingakuoka Unangika hiadono o Yesusu wonahigogere ngone Ma Jou ai hininga ma owa ma goronaka. Abe ma titi ma oraha naa de Ma Jou wonaao duru de ai hininga ma owa dika ngoneino abe nanga boriwowangoka. De nagali ma utumu abe ngone ka idadi hogogarago nanga hiningaka angamoi duru hohioriki abe ahao wonahikodoku ngoneino to Una ai medebini ma dararono, ho ngoneoo ahao naga Ma Jou ai medebini ma dararono ngoneoka.

2 Tesalonika 2:16

De naa minigahoko nanga Baluhu idodutu ma hirete o Yesusu Kristusu de nanga Baba Ma Jouiye. De minigahoko la Una winilaru de winihiputurungu nia kokihiningaka la hiadono nia datoro de nia demo mata-mata gea ena ka ma rorahai dika. De gea mininiata de mihioriki Ma Jou ai hininga ma owa ngoneuku, abe gea ka ma dodihirainohi de Una wonadora ngoneino. De wonahidoakoka o higaro ma totiaiika abe ko ihoa-hoanua, de wonahidoakoo nanga nganganono abe ngone ahao hamake o Horoga. De nanga nganganono gea ahao ko ikelu-kelua. Hokogea mia hininga de mia gogahoko Unangiye ma titi ngini.