Sosawaro 10:17 - Ma Jou ai Demo-demo o Totobelohoka

¹⁷ Ona abe yataeroka de yahigihene manga dodaere, ona gea yaniiki o wowango ma ngekomika. Masara ona abe ko ihigihenua o dodaere ma demoika, ona gea yaniikoka o hirehene ma dumutu ma dorouika.

Sosawaro 10:17 ပူးပေါင်းရင်းမြစ်များ

Sosawaro 1:30

De gea yomahitaana abe ko iwa manga horomati Unangika angamoi o hiowa ma demoika yaoluku de ngaro o dodaere ma demo onangika naga ma, enangoo ko yodafongua.

Sosawaro 3:18

Ho nako ngona duru nomahigagao o sosawaroika gea de ahao utuohi ikurutu ani wowango o duniaka, abe ka idadi o sosawaro hohiketero hoka o gota moi abe nako naolomo to ena ma hofoko de ihidogo ani wowango ma dekana o duniaka. De imaketero hokogea idadi mangale ngona nomahigagao o sosawaroika abe genangino inihiowa ma ngoe ani wowangoka.

Sosawaro 4:13

Ho, ahi ngofaka ngona ka ihikaika nomahihohininga de napake ahi hingahu ma owa naa. Ufa ani dodotoko nenanga nanoaika masara kiani o dodotoko ma demo naa nogoana la ka ihikaika ilaku ani wowangoka hiadono ani wowango ihititi ahi dodotokoka.”

Sosawaro 4:4

De nia ete duru wohidotoko ngohino, wato, “Ahi ngofaka, ngona kiani de ani hininga ma gahumu nomahigagao ahi dodotokika. Abe nako de ani hininga ma gahumu nomahigagao ahi demoika, de naniiki ahi behehongo ngonaika, de gea ahao nowango ma gou-goungu.

Sosawaro 5:12

De ahao gea ani kangela ma demo ma goronaka de ngona nomatoduba nato, “Duru tomatoduba ngohi ma dihira gea todohata o wowango ma totiai ma hiaturika. De ngaro o nyawa naga abe ihitaere, de manga dodaere de ma buturungu, masara ngohi duru talawana manga dodaere ma demoika.

Sosawaro 5:14

De abeika, o nyawa ma oraha naa manga hininga ngohino ikurangoka ihidodiawo. Masara ka de yomatoomuino de ka ihihiade-ade dika ahi datoro ma dorou de ngaro ahi himangokaoo ma ihihiade-ade.” Hokogea ti ngini nia toduba ma demo ahi ngofa-ngofaka nako niminiiki to muna ami mau abe ma dorouika.

Sosawaro 6:23

Abe ani dimonino mia behehongo de mia dodotoko ngonaika gea idadi ani hilo abe inihitararono ani wowango ma dodagioka. De ahi ngofaka, ma oraha ngomi miamake ani wowangoka abe kiani minihohowono de ahao minitaere la mia dodotokino minihitiai de minihidumutu o wowango ma gou-goungika.

Lukasa 11:28

De o Yesusu wopaluhu wato, “Iya, nagoungu, masara hongoli o nyawa manga sosanangi ilamoko abe yototoihene Ma Jou ai Demo-demoino de yatobaniiki enangika.”

Ibarani 12:25

Ho ngone naa kiani duru homahidodiai la ufa hiadono hiolukoli Ma Jouika. Angamoi gea Ma Jou Una ma hirete abe wihidingoto ai Ngofaka o Yesusu la Unangoli wonadofanga de wonatemo-temo ngoneino abe ma titi Ma Jou ai Demo-demoino. Ho ngone naa homahidodiai la ufa hiadono hiolukoli o Yesusika angamoi gea tanu Ma Jouikaoo hioluku. De nako hiadono hiolukoli Unangika, gea ahao kiani nanga hohowono hamake Unangino. De gea hohioriki abe onagona dika iwioluku Unangika ahao yamake manga hohowono angamoi ngaro ma dodihiraka ma hokogea idadi. Abe ma dodihiraino de o Yahudi ma nyawa yamake manga hohowono ma titi ona yoluku yaniiki Ma Jou ai demo abe o Musaka de aino wadofanga onangika. De hokogea to ona manga hohowono ma dodihiraino, ho hongoli ngone naa utuohi kiani hamake ai hohowono nako ngone ko haniikua Ma Jou ai demo naa moioli abe nanga Baluhu o Yesusu wohiboa o Horogaka de auku de wadofanga ngoneino. Angamoi nanga tofora o Musa una o duniaka dika ma nyawa, masara nako o Yesusu, Una gea o Horogaka de wauku woboa. Ho nako hiadono ngone hiolukoli Unangika, gea ahao nanga hohowono inadaene ngoneuku.

Ibarani 2:1

Ho mangale ma titi naa ma duru Ma Jou wonatemoka abe to Una ai Ngofakino, de ma titi abe ka Unangohi duru wokokurutiye nako de o momalaekata, ho ngone naa kiani duru hohidodiai hototoihene de haniiki ma hingahu ma demo abe ngone hoihenoka, done genangoka de aino horehene,