Sosawaro 10:13 - Ma Jou ai Demo-demo o Totobelohoka

¹³ Ona abe manga tobahioriki ma gou-goungika yapake hiadono yomangiriki itiai, ona gea manga uruino yotemo o sosawaro ma demo. Masara ona abe yobodo, ona gea ihidemo de o bodo ma demo ho yoperelu o dodotoko o bobohaino la yotoba manga uruino ma bodo.

Sosawaro 10:13 ပူးပေါင်းရင်းမြစ်များ

Higiriiri 32:9

Ho ufa nimaaduru abe hoka o kuda abe ko iwa ma tobahioriki, angamoi gea kiani naga o behi ma dobiki moi hohitaanaoko ma uruoko la ihidumutu ma kuda gea. Abe nako ma behi gea ko iwa, duru ko iwa ma kuda ma hingounu ma dutuika, ho ngini naa ufa nimaaduru hoka to enangoli ma hininga, masara koaho naga nia hingounu Unangika.

Higiriiri 37:30

De ona abe manga datoro duru imakiniiki de Ma Jou ai totiai, Manga demo mata-mata ma gou-goungu dika, de duru de ma sosawaroka. Abe ona yososawaro ma owa de ma dorou ihikokohowono itiai.

Huhupu 10:12

De ahao Ma Jou o Yawe wihingahu o Musaika wato, “Musa, naa ani giama nagorakiye la ma kabotara gea nahokino! Adonoka ma oraha o Mesiiri ma amokika o kabotara atamunu la ka idadi manga datomo abe o es ko amataua ena gea yahou o kabotara.”

Sosawaro 10:21

Ona abe yaniiki ma totiai gea o nyawa manga ngoeika yahitofo de manga demo ma totiaiino. Masara o bodo ma nyawa ona ma hirete manga wowango yomatoma angamoi ko yomahitoonangua o sosawaro ma gou-goungu ma demo ho ona yomangiriki ko itaanua de yomaputuhu ko itiaiua.

Sosawaro 10:31

O totiai ma nyawa yadora o nyawaika de yapake manga uru la o nyawa yaduhunu de o sosawaro ma demo. Masara ona abe manga uruino ka o ngeluku ma demo dika ihupuino, to ona manga uru ahao Ma Jou wohidokaritamoka ka hiado-adonika.

Sosawaro 17:10

Nako ma titi o toduba hodiai o nyawaika abe yanii-niiki o sosawaro ma gou-goungu, ona gea ma moi dika hataere de naga ma hasili ma rorahai manga wowangoka. Ma nako o bodo ma nyawaika o toduba ma dadaere hodiai, gea ko hamakeua ma hasili enangino. De ngaro de o boboha hapoha hiadono o ratuhu moiino masara manga wowangoka ko hamakeua ma hasili ma bobohaino gea.

Sosawaro 6:32

Masara nako naga womatengo abe wahowono de o ngofeka abe muna o nyawa utu ngoi fekata de hahidotelega una abe wotohi-tohiki, de gea ka unangohi duru wobodo abe wahowono o nyawa ngoi fekatika. De hokogea angamoi una womahibinaaha to una ma hirete ai nyawa.

Sosawaro 7:22

Abeika, una gea ka itodokanino de una wominiikoka imaketero hoka o hapi abe yaniiki dika o nyawa abe yao o dedetoro ma ngiika, de ko ihiorikua ma bodito ma himangoka. Hokogea una ma oraha wominiiki muna. De ka idadi una gea hihiketeroli hato una gea wodadioka hoka o luadana ma nauru o modoi ma ngoranika.

Yesaya 50:4

Ma Jou o Yawe wohihiakunu ngohino la ka idadi ai hingahu ma demo tadofanga o nyawaika, de gea hiadono ngohi ka takunu taduhunu ona abe manga hininga de ma dubuhoka. O ngoru-ngorumiye wohitumomiki de wohiwangoro ngohino. De gea ahi ngauku wohiso la ka idadi duru totoihene to Una ai dodotokika.

Lukasa 4:22

De ona mata-mata genangoka duru yososanangi ai dodotoko ma demoika de yokokiheranga ma titi ai demo ma hohailoa ai uruoka de aiye wohibengaiye duru ma rorahai. Masara nagali utu genangoka abe ona yomakokeleha ato, “Naa hoihenoka done sarakia? Angamoi done una naa ka o Yusupu ai ngofaka dika? Ho done sarakia una wato ma datoro ma rorahai gea una ka wakunu wodiai?”