De naa moioli tonaleha la ka idadi homafikirohi. Sarakia, abe ngini nimakokalawana de nimaketeloliliara, gea bote ma titi o kia hiadono idadi nginioka? Nako ngohi, gea ma titi ti ngini homoi-homoi nia badanga ma hafinoka abe niato nimahisosanangi. De nia hafini gea imakokalawana ti ngini homoi-homoi nia kokihiningaka.
Sosawaro 10:12 - Ma Jou ai Demo-demo o Totobelohoka12 Nako o dohata ilaku o nyawa manga wowangoka gea ahao idadi o kapusaka ma amoko. Masara nako o dora ilaku o nyawa manga wowangoka gea ka idadi o hiapongo de o hilooa yapake hiadono o kangamoino ihimaata. အခန်းကိုကြည့်ပါ။ |
Sosawaro 10:12
10 ပူးပေါင်းရင်းမြစ်များ
gea ka idadi ngini nihioriki abe Ma Jou ahao widuhunu unangika ma titi ngini niwihigilio una wahowo-howono gea ai rerehene ma ngekomoka de aino. De genangoka de Ma Jou ahao widuhunu unangika la ufa wohonenge masara wihiapongo unangika ma titi ai howono marai kohangoe abe wahowonoka Ma Jouika. Ho ngohi duru tinihigaro la ngini mata-mata nimahikudumutu Ma Jou ai ngekomika.
De naa moi ahi demo kiani nihitihira angamoi ka enangohi ikurutiye, de gea ngini ka nigila-gilahi nimakokodora de nia dora duru kohaamoko nia gogianongoruika. Angamoi ngaro idadi abe nanga gogianongoru duru ma ngoe inihowono nginika, masara nako ngini nimakodora, gea ahao nimahikokinginioo ka idadi nimahikokoofi nia gogianongoru manga howo-howono gea nginika.
ကြော်ငြာတွေ