Sosawaro 1:26 - Ma Jou ai Demo-demo o Totobelohoka

²⁶ Ho mangale gea nako ma oraha adono ngini duru nikangela de ngohi o ngo Sosawaro tinigiete dika nginika. De ma oraha o bodito inidaenoka de ngohi tinihohedu dika.

Sosawaro 1:26 ပူးပေါင်းရင်းမြစ်များ

Higiriiri 2:4

Masara Una abe wogogere daku manga demoika gea wogiete, Una Ma Jou wogiete angamoi ai kuaha mata-mataika Ho ngaro manga hininga hokogea masara, wato ona ko kia-kiaua.

Higiriiri 37:13

Masara Ma Jou o Yawe ona wamake manga lawana ma hideeika, De Una ka wagiete dika angamoi wamakeoo abe ahao yadaene, Angamoi ma oraha naga abe manga hohowono ahao iboa onangika.

Sosawaro 10:24

Ona abe yototualono duru yomodongo o boditoika de igoungu ika-ika de o bodito yadaene. Masara ona abe yanii-niiki Ma Jou ai totiaiika, ona yongano-nganono la yamake ma rorahai manga wowangoka. De igoungu to ona manga nganganono ma rorahai ena gea ahao yamake.

Sosawaro 3:34

De Ma Jou o Yawe duru wodohata o hohedu ma demo ma dorouika, ho o nyawa abe manga uru ma hauku ma dorouino, ahao manga demo ma hohedu yadogilioro onangikali. Angamoi hokogea Ma Jou wodiai la onangoo o hohedu ma demo yadaene onangika. Masara to Una ai dora itagi onangika abe manga hininga ma dodipokouku, ho wahiowa onangika gea.

Sosawaro 6:15

Masara ona abe yotobadiai itorou hokogea ahao itodokanino de o bodito o kangelaino yadaene onangika. Ho to ona manga wowango duru awede-wederuku ka hiadono ko idadiokaua yomahinganono yotogumu.

Lukasa 14:24

De ona abe yohira-hira tahoko masara ko yoboaua, ona gea ahao ko moiua ahi ngolo-ngolomo ma inomo yamake.’” De hokogea o Yesusu ai hiketero ma ade-ade abe ma titi hokokia idadi ma oraha Ma Jou wahikoano ai nyawaika.

Hihira 10:14

Ho abeika ngini niloiki enangika dika abe nimangiirikoka de abe nimahijou enangika la o duduhunu nimagaho-gahoko! De ahao hamake nako ena gea iniduhunu nia kangelaka de aino!” Hokogea Ma Jou duru wahiree-reeika onangika.