Sakaria 4:9 - Ma Jou ai Demo-demo o Totobelohoka

⁹ “O Serubabele una gea ai giama abe akelenga ma hakaru ihira-hira ahi Tauoka naa, de abe ihibobaha ahi Tau ma karajaanga, enangoo to Serubabele ai giama dika wohibobaha.” Hokogea Ma Jou o Yawe ai demo ngohino, ho ma oraha ngini niamake abe idadi duru imaketero hoka ahi demo abe naa tinidofanga nginika de gea ka idadi nihioriki abe Ma Jou o Yawe wagoungu wohidingoto ngohi nginika.

Sakaria 4:9 ပူးပေါင်းရင်းမြစ်များ

Sakaria 4:8

De ahao naga moioli Ma Jou o Yawe ai Demo abe wohihidoakino ngohino. De ai demoino gea wato,

Matiusu 16:18

“De naa moioli tonihingahu ngonaika abe o hiketero ma demoino tapake. Abe to ngona ani romanga gea o Peturusu de ani romanga ma titi gea o hakaru. Ho imaketero hoka o nyawa yomaatau o hakaru ma dengeoti ma lokuiye, hokogenangoo to Ngohi ahi gareja ahao todiai o hakaru ma lokuiye. De ma hakaru gea ihidumutu ngonaika. De abe ma titi ahi gareja gea Ngohi todiai, ma doomu gea duru ko iwa ma dorou o kia dika abe akunu yahikala onangika. Abe ngaro o hone-honenge ma kuaha abe ma oraha naa nagahi o Ibilihi ma haeke ma giamoka, masara enangoo ko idadiua yahikala ahi garejaika.”

Yohanese 17:21

Ho Baba ona gea takokigahoko la duru yodadioka moi Ngoneoka imaketero hoka Ngona naga Ngohioka de Ngohi naga Ngonaka. Hokogea tagahoko la ahao o dunia ma nyawa yamake manga rimoi manga wowangoka de yangaku abe Ngona igoungu nohihidingoto Ngohi.”

Yohanese 3:17

Angamoi gea Ma Jou wihidingoto ai Ngofaka o duniauku, ko mangaleua ma titi la wahohowono o dunia ma nyawa, masara ma titi la ka idadi to ona manga howono Ma Jouika waofi.”

Ibarani 12:2

De gea nanga popaata ma goronaka de kiani ka ihikaika homalega ka o Yesusika dika, angamoi Una gea ka idadi hihiromanga hato Una to ngone nanga ngongaku ma lifunu de ma dekaroo. Abe ma romanga gea ma titi hokonaa. Nako to ngone nanga ngongaku gea imulaenge Unangoka. De nako ahao ma oraha nanga roreebe ma batingika homahiadonikaka, Unangoo naga genangoka la ka idadi nanga ngongaku duru wohingodu-ngodumoka abe ma oraha homahiadono Unangika. Ho ngone naa ka idadi homaaduru abe hoka o Yesusoli ai hininga, angamoi Una ma dihiraino de ngaro o himaleke wohimanga abe kiani wohonenge o gota isosalioaka, masara ko iwitukorua de gea ena ai ngekomino. De gea Una ka wogila-gila dika de ai dongohono ka hiadono womahiadonika ma batingika angamoi genangoka de ahao wamake ai hadia o garago ma amoko Unangika. De gea womahiadonika de ahao wogogerukuoka Ma Jou o Baba ai kadera ma hohailoa ma nirakoka la genangoka Una de ai Baba yokoano.