Sakaria 3:4 - Ma Jou ai Demo-demo o Totobelohoka

⁴ De nagali ona utu yomaokoino genangoka, ho ma malaekata wahuloko onangika wato, “Niahuputoka ai baju ma fofarune gea.” De wotemoli o Yosuaika wato, “Ngohi naa ani howo-howono taapongoka ho naa ka idadi nomahinoauku de o baju ma hohailoa.”

Sakaria 3:4 ပူးပေါင်းရင်းမြစ်များ

2 Samuele 12:13

De o Dautu duru itaiti womatoduba wato, “Ngohi naa duru tahowonoka Ma Jou o Yaweika.” De o Natana wipaluhu wato, “Ma Jou ani howono wonihiapongoka ho ngona ko nohonengua ma titi ani howono gea.

1 Kokoano 22:19

De gea o Mika wohigila-gila ai demo wato, “Mangale ma titi gea ho abeika nitotoihene Ma Jou o Yawe ai demo naa. Ngohi timake Ma Jou o Yawe wogogeruku ai kaderaka, de nagali genangoka ona abe o Horoga ma dodoomuoka de yomaokoino ai aridatekoka.

Higiriiri 51:9

Ngohi duru ko tapoaua Ngona ka ihikaika nomalega ahi howonika, Ho tomagahoko la ahi howono ma noda ahi wowangoka naofioka.

Sakaria 3:1

1 De ipahaino de ahao naga moioli Ma Jou wohihimatoko ngohino. Abe tamake womatengo ai romanga o Yosua, abe una wodadi o hidemo ma nyawa Ma Jouika abe duru wokokurutiye. De o Yosua gea womaokoino Ma Jou o Yawe ai malaekata ai himangoka. De nagali genangoka o Ibilihi ma haeke imaokoino ma malaekata ai datekoka. De ena gea ma hininga la iwitae-tae o Yosuaika.

Sakaria 3:7

“Ma Jou o Yawe duru Wokokurutiye wotemo ngonaika wato, ‘Nako ngona ani wowangoino de ani karajaangino de natobaniiki ahi hiaturu, gea ahao ngona ka idadi nopareta to Ngohi ahi Tau ma debi-debinoka. Abe ahao tonihidoaka ani kuaha la ahi Tau ka ma moi de to ena ma loa mata-mata ngona dika nodadi to ena ma hidimono. De tonihidoakoo la ngona ka idadi notobaboa ahi himangino abe imaketero hoka onangoli naa abe yomaokoino ani datekoka.

Sakaria 3:9

“‘De naa moioli tinihingahu nginika. Abeika nimalega ma hakaruika abe takelenga doka o Yosua ai himangoka. Abe ma hakaru moioka gea de naga to ena ma lako tumidika. De Ngohi Ma Jou o Yawe Tokokurutiye ahao tahonotoko de totulihi ma hakaruika gea la itemo ato, “Ahao naga ma oraha abe o tonaka naa manga howo-howono o wange moioka dika de takokiofioka ma howono mata-mataika.” Hokogea ma dulihi abe ahao totulihi ma hakaruika gea.

Matiusu 22:11

“De ko itedekanuahi de ma koano woboa ma rame-rame ma ngiino la wato wamake o nyawa mata-mata gea abe yoboaino. Masara naga womatengo genangoka wimake abe ai pakeanga ko itaanua de o gogilaka ma rame-rame ma pakeanga abe itiai o nyawa yomahinoauku o gogilaka ma rame-rameoka.

Lukasa 1:19

De o malaekata gea wopaluhu o Sakariaika wato, “Ngohi naa o Gabiriele abe tonitemo ngonaika naa, de ka ihikaika ngohi naga Ma Jou ai datekoka tomahidiaioka todiai o kia dika woigo tileleani. De gea una wohihidingoto ngonaino la tonihingahu o abari ma rorahai naa ho kiani ngona nohingaku.

Lukasa 15:22

“Masara ai baba ka wahuloko ai duduhunika wato, ‘Nimataiti niaoino ahi baju ma biri-birini abe ka enangohi ihohailoa de niwihinoauku ahi ngofakuku. De niaoino o ali-ali la womahinoaoko ai hagaraaraka la genangino de tohitunguu abe una tidafongoka. De o sandaala enangoo niaoino la ka idadi womahisandaaliye.

Yohanese 1:29

De ma dawangeino o Yohanese wimake o Yesusu woboaino de o Yohanese wahingahu ai doo-dodiawoika wato, “Abeika, Ma Jou ai Domba ka ma ngofakohi, gea Una abe o nyawa o duniaka manga howono Ma Jouika waofi.

Roma 3:22

De gea ma ngekomo hokonaa. Abe Ma Jou wonahitotiai ngone onagona dika abe hingaku-ngakuoka o Yesusu Kristusika. De gea ka moi dika ma ngekomo, abe ngaro o Yahudi ma nyawa eko ngaro abe ko o Yahudi ma nyawaua, masara ma ngekomo moi dika haniiki la Una wonahitotiai ngoneino, de gea ma titi nanga ngongaku o Yesusu Kristusika. De gea nanga ngekomo moi dika angamoi ngone o nyawa mata-mata de ko homakohowonua to Una ai himangoka.

1 Korintusu 6:11

De ma dihira ngini utu hokogea nia wowango, masara naga ma moiuku de ngini iniohikoka de inihitebinoka. De gea ma oraha abe inihitotiaioka de nanga Baluhu o Yesusu Kristusu ai romanga de Ma Jou o Womaha ai kuahaino. Ho naa ngaro ufa nianiikohi nia wowango ma hira gea.

2 Korintusu 5:21

De ka idadi o nyawa yomakadame de Ma Jou angamoi to ngone nanga howo-howono Ma Jou wagoraka ngoneoka de aino de wihinoauku o Yesusu Kristusuku. Abe ngaro to Yesusu Kristusu ma hirete ai howono duru ko iwa, masara Ma Jou wihitagongo to ngone nanga howono o Yesusu Kristusika la gea imaketero hoka Una wodadi to ngone nanga howono. De ai datorino gea de ka idadi Ma Jou ai totiai wonahidoaka ngoneino la imaketero hoka wonahinoauku ai totiai ngoneuku.

Kolose 3:10

De nia hininga ma hirahi gea inihikatingaka ipaha de ahao o hininga ma hungioli Ma Jou winihinoaukuoka. De nia hininga ma hungi gea Una ka ihikaika waturuuru la hiadono utuohi imakiniiki de to Unangoli ai hininga abe winihidoaka nginika. De gea hiadono utuohi itararono niwihioriki to Una ai hininga.

Ibarani 8:12

De ma oraha gea de ahao taapongo manga datoro ma dorou, de to ona manga howo-howono abe ahao ma oraha genangoka de imahikaika ko tohohiningakauali.” Hokogea ma dodihiraino Ma Jou ai demo abe ihitulihukuoka.

Himatoko 5:11

De ahao ma moioli tomalega genangika de naga o malaekata duru kohangoe ihigilolitino ma kadera ma hohailoa de ma aewani ma ngango de ma dimo-dimono gea. De ma malaekata manga ngoe manga juta isana ho hiadono duru ko hakunua haetongo. De gea ngohi toihene to ona manga ilingi.

Himatoko 7:14

De gea ngohi topaluhu tato, “Ahi dimono, ngohi ko tahiorikua, ho marai ngona nahioriki.” De ahao ma dimono gea wohihitararono ngohino wato, “Ona gea abe o kokangela duru kohagiria ma gogoronaka de aino yokokihupu. De to ona manga howo-howono akokiofioka ma titi o Domba ma Ngofaka ai awunino ho hiadono ona gea duru yotebi-tebinoka, de gea imaketero abe hoka o baju yafokaka ho duru iarehoka o baju gea.