Ruutu 4:17 - Ma Jou ai Demo-demo o Totobelohoka

¹⁷ De ami dodiawo o ngo-ngofeka yomakoketemo ato, “Abeika o ngo Tobasanangi mamake ami ngofaka womatengoli!” De ami ngofaka gea iwihiromanga o Obede. De o Obede gea wobaluhoka de naga to unangoli ai ngofaka ai romanga o Isai. De ahao o Isai naga ai ngofaka o Dautu abe una o Isiraele ma nyawa wahikoano duru irahai.

Ruutu 4:17 ပူးပေါင်းရင်းမြစ်များ

Ruutu 4:16

De o ngofaka gea idadi o ngo Naomi ami dofo de mipaliara imaketero hoka una to muna ami ngofaka idodutu.

Ruutu 4:18

Ho hokonaa o Obede gea ai totofora ma dodihiraka de ai ngofakuku ka hiadono to una ai danongo o Dautuku. Ai tofora o Perese ai ngofaka o Heserono.

Ruutu 4:22

De o Obede ai ngofaka o Isai, de o Isai ai ngofaka o Dautu.

1 Samuele 16:1

De ahao Ma Jou o Yawe wileha o Samuelika, wato, “Samuele, hokokia ma dekanohi de ani hininga ma huha nihininga o Saulika? Ngona kiani nodafongo gea abe Ngohi taputuhoka abe nako o Isiraele ma nyawa manga koano, una tiolukokau. Ho naa nomahidiai noiki nihitunguu unangika abe tiirikoka la tihidadi o koano abe o Saulu ai duruuru. Ho naa kiani ani minya ma ngi o domba ma nauru ma tatadukino naomanga de o debi-debini ma minya de noiki daku o Beteleheeme ma kotaiye. Abe genangoka kiani nitutumu womatengo ai romanga o Isai angamoi to una ai ngofa-ngofakino naga womatengo gea abe tiirikoka la una gea tomadingakoka Ngohino la wodadi o koano.” Hokogea Ma Jou o Yawe ai behehongo o Samuelika.

1 Samuele 17:12

De o Dautu abe o Isai ai ngofaka, abe o Efaraata ma doomuino, una o Beteleheeme ma nyawa abe o Yehuda ma dutuino. De o Isai gea ai ngofaka o nau-nauru yatufange de ma oraha o Saulu wodadi o Isiraele ma nyawa manga koano de o Isai duru iwiperekioka.