Ruutu 4:13 - Ma Jou ai Demo-demo o Totobelohoka

¹³ Ho o Boasa womile o ngo Ruutu de womiao ai tauika de yodadi o giarokata. De ahao ma oraha yomakitigi de Ma Jou o Yawe womihiakunu o ngo Ruutu la ka idadi modami ho muna de ami badangoka de mamake o ngofaka o nauru.

Ruutu 4:13 ပူးပေါင်းရင်းမြစ်များ

Dodadi 20:17

Hokogea o Abimeleke wodiai de ahao o Abarahaama waniata ona o Abimeleke ai tauoka. De ona Ma Jou wahitogumu manga kangelaino abe o Abimeleke de to una ngoi feka-fekata mata-mata waduhunu hiadono ahao o ngofaka ka idadi yomamake.

Dodadi 25:21

Masara ngaro yoilaka ma dekanoka ma o ngo Ribeka ami ngofaka ko iwa. Ho o Isaka womigahoko Ma Jou o Yaweiye la ka idadi o ngofaka mamake. De Ma Jou o Yawe wihigihene o Isaka ho ahao o ngo Ribeka ka idadi o ngofaka mamake ho muna de ami badangoka.

Dodadi 29:31

De Ma Jou o Yawe womihioriki abe o ngo Lea ami huha ma titi ami rokata ko womidoraua ho gea womihiakunu la ka idadi muna momamake o ngofaka masara o ngo Rahele o ngofaka ko momamakeuahi.

Dodadi 30:2

Ka de hokogea motemo de o Yakubu wongamo munangika wato, “Ho ngona nato bote ngohi naa Ma Jou? Nako o ngofaka hatoli gea to Una ai kuahaka, ho gea ani ngofaka ko namakeuahi ma titi to Una ai hiaturu ko to ngohiua!”

Dodadi 33:5

De ahao o Esau womalega o ngo-ngofekaika de manga ngofa-ngofakika de wileha wato, “Ho ona abe ininiiki ngona naa onagona?” De o Yakubu wihingahu wato, “Naa abe ona Ma Jou ai doraka de aino wohihidoaka ani gilaongino ngohi naa.”

Higiriiri 127:3

De nako o nyawa yomamake manga ngofaka o nauru, gea o hiowa moi Ma Jou o Yaweoka de aino, de ma utumu ma amoko ahao yamake onangino.

Ruutu 3:11

Ho naa, gianongoru, ngaro ufa nohawana. De o kia dika ngona nogahoko todiai, gea mata-mataika ahao ngohi todiai. Ko moiua o Beteleheeme ma dimo-dimonino abe ahao inihiade-ade ato ngona nahowono noboa hokonaa angamoi ona mata-mata inihioriki abe ngona o ngofeka abe ani wowango ma datoro irahai.” Hokogea o Boasa ai horomati ma demo o ngo Ruutika.

Ruutu 4:12

De ngonaoo minigahoko Ma Jou o Yaweika la muna o ngofeka ka o goohi naa Ma Jou womipake la to ngona ani ngofaka de ani totoforauku yowoe-woeuku. Abeika nanga ngoe o Yehuda ma nyawa homahidutu o Peresika abe una o Yehuda de o ngo Tamarino manga ngofaka de una gea wodadi to ngone mata-mata nanga tofora. Hokogenangoo de ngomioli minigahoko Ma Jou o Yaweiye la to ngonaoo ani totoforauku manga ngoe abe o ngo Ruutino namake.” Hokogea o Beteleheeme ma nyawa manga hiowa ma demo o Boasika.

1 Samuele 1:27

De ahi gogahoko Ma Jou o Yaweika ma oraha gea ahao Una wohihidoakoka abe o ngofaka nenanga ngohi tamakeoka Ma Jou o Yaweino.

1 Samuele 2:5

De ona abe ma dihira ka ihikaika yapunuhu de manga inomo, Ma oraha naa kiani yomalingiri o karajaanga la ma hewaino o inomo yamake. De ona abe ma dihira ka ihikaika yohafini, Ma oraha naa manga pokoro yapunuhoka. De o ngofeka abe ko iwa to muna ami ngofaka, Ma oraha naa ami ngofaka yatumidi mamake. De o ngofeka abe ma dihira ami ngofaka yowoeoka, Ma oraha naa ko yaiwaka de muna ami hininga ihuha.