Ruutu 4:1 - Ma Jou ai Demo-demo o Totobelohoka

¹ De duru o wange gea o Boasa woiki o Beteleheeme ma nyawa manga dimo-dimonika manga doomu ma ngiika. Abe o Beteleheeme ma kota gea yahigilolitino de o dadaduhu ho naga ma ngorana abe genangino dika o nyawa yohupu yowohama de genangoka manga doomu ma ngi. De manga ngioka gea o Boasa widamaa ai gianongoru abe una kiani wohira womibangu o ngo Ruutu ami kangelaino nako una woigo angamoi ka unangohi itigino ai dutu de una o ngo Ruutu ami rokata abe wohonengoka. Ho ipahaino abe ma oraha ai gianongoru gea woboaino witilakuru de o Boasa wiahoko, wato, “Gianongoru, nainohi nenangoka nogogerukuohi.” Ho ai gianongoru gea woboaino de wogogeruku o Boasa ai datekoka.

Ruutu 4:1 ပူးပေါင်းရင်းမြစ်များ

Dodadi 19:1

Duru o wange ilobioka de ahao o malaekata yahinooto gea yomahiadono o Sodomo ma kotaika. De o Sodomo ma kota yakurungaka abe ma dadaduhu yodiai o hakaruino la ihigilolitino. Ho ona yahinooto yoboa o kota ma dadaduhu ma ngoranino. De o Loti naga wogogeruku o ngoranoka gea ma datekoka abe genangoka o kota ma dimo-dimono biaha yogogeruku. Ho o Loti wamake o malaekata yahinooto gea yoboaino. De womaokoino de wabuhuku de ai horomati abe womaponuku hiadono ma tonakuku itiki ai pea.

Dodadi 23:10

Masara o Eforono naga onangoka manga doomu ma ngioka o kota ma ngoranoka gea. Ho ka de o Abarahaama wogahoko hokogea de unangoo wigihene, ho naa una dika wopaluhu o Abarahaamika. De ka idadi o Hete ma nyawa genangoka mata-mataika ai demo yoihene hiadono manga dimo-dimonoo ma, yokokiihene.

Dodadi 34:20

Ho una de ai baba yoiki manga kota ma ngoranika de yomakoketemo de o kota ma dimo-dimono abe ona biaha yomatoo-toomuino genangoka.

Yesaya 55:1

Ma Jou wahoko o nyawaika wato, “Ngini mata-mata abe nia ngomaha yoduu-dudungu, abeika ngini niainohi o akerino naa! De ngaro ti ngini nia tiwi ko iwaka, ko adodoaua, masara ka idadiohi nikokiboaino! Niboaino la nimangiriki o angguru ma teongo ma gohaka eko o hapi ma susu de niokere! Abe gea biaha kiani nimaijaino masara naa ngaro ufa dika de nifangu, ka idadi nimaleino dika de niokere!

Ruutu 3:12

De ahao una wogila-gila womihibehehongo ai duduhunu munangika, wato, “De ngona nagoungu ngohi naa ani dutu adaene abe ahi tagongo naga ngonaika la toniduhunu masara naga womatengoli abe nako una de ngohi ka unangohi de ani rokata itigika ai gianongoru adaene.

Ruutu 3:18

Ka de moihene gea de o ngo Naomi motemo mato, “Ahi ngofaka, hodamaa horiidi dika hiadono hohioriki abe hokokia ai behehongo ma hasili. Angamoi o Boasa gea marai duru ko wanoaikaua abe naa idadioka. Ho o wange naa ko woriidua ka hiadono ai tagongo wohiaturu mata-mata ibooto.” Hokogea o ngo Naomi ami demo ma owa ngomi hunungika.