Ruutu 3:14 - Ma Jou ai Demo-demo o Totobelohoka

¹⁴ Ho o ngo Ruutu momaidu o Boasa ai louiha hiadono ngade-ngade itebini de ahao momomiki la ufa o nyawa utu imihioriki muna o ngo kia. Abe o Boasa ai hitiari ma demo o ngo Ruutika, wato, “Iti ufa duru itebinoka de ahao nolio done o nyawa ihioriki naga o ngofeka moboa o futuoka ahi gandumu ma rorero ma ngiino naa.”

Ruutu 3:14 ပူးပေါင်းရင်းမြစ်များ

Tobadotoko 7:1

O minya abe ma bounu ihailoa o nyawa yaetongo ato duru irahai. Masara nako ngone howango itiai la homalingiri nanga romanga ma rahai, ka enangohi duru ikurutiye. De ngaro o nyawa yogarago ma titi ngone homaboa, masara koaho nanga romanga ma rahai naga abe ma oraha nanga baha adonoka.

Roma 12:17

De abe nako naga o nyawa yodiai itorou nginika, gea ngini ufa nimahibalaha de o dorou onangikali, masara nihidodiai la nia datoro irorahai dika onangika. Abe nako naga ma datoro abe o nyawa mata-mata manga himangoka de yaetongo ato ma datoro gea duru itaana de irorahai, gea ena ma datoro ngini nianiiki.

Roma 14:16

De ahi hitiari ma demo gea kiani ngini nianiiki done o nyawa yataoko ihowono nia datoro de iningelo nginika. Abe nia datorino gea de ngini duru nihioriki abe ko iwa nia howono nia inomino. Masara nako ma titi nia datorino gea de nanga gogianongoru utu yoruba o howonuku angamoi ona yamao o howono masara ka yodiai dika ma titi yomaaduru hoka ti nginioli nia datorino, gea de ahao o nyawa ka idadi inangelo ngone abe hingaku-ngakuoka.

1 Korintusu 10:32

De ufa nidiai o bebeleke la hiadono o Yahudi ma nyawa yahowono, eko la hiadono ona ko o Yahudi ma nyawaua de onangoo ma yahowono, eko la hiadono nia gogianongoruoo Ma Jou ai garejaka, ma, onangoo yahowono.

2 Korintusu 8:21

Ho ngomi duru mioigo la genangoka de ma rorahai dika midiai. De gea ko ma titiua la wiwihisanangi nanga Baluhu idodutuika dika de ma rorahai gea. Masara koaho o nyawa mata-mata ka idadi ihioriki abe ngomi naa ma rorahai dika midiai mia tagongoka.

1 Tesalonika 5:22

Masara nako o nyawa manga demo abe niatailakoka de ko igoungua, genangika mata-mata ufa nihigihene de ufa nihingounu manga demo gea ma dorouika.

1 Peturusu 2:12

De kiani nihidodiai la ti ngini nia wowango niao itiai o nyawa manga hima-himangoka abe ona ko iwihiorikuahi Ma Jouika. Angamoi nako niwango nitotiai de o nyawa utu ka initaeohi nginika ato niahowono, de gea ahao o nyawa ka idadi inimake nia datoro ma totiai, de genangino inihioriki ma titi nia hininga ma rorahai. De gea ma bahauku de marai ona utu ahao iwihigiriiri Ma Jouika abe ma titi yomafikiroka ti ngini nia wowango ma datoro de genangino ma titi hiadono ona iwingaku Unangika. Ho mangale ma titi ngini niwango nitotiai de marai ngone hingaku-ngaku utuohi howoe abe ma oraha Ma Jou woboali la wonatailako ngone homoi-homoiino.

Ruutu 3:15

Ho ngade-ngade itebini de ko mosobouahi de o Boasa womihulokoli o ngo Ruutika wato, “Gianongoru, ani ngoere naoino de narefeika.” Ho muna ami ngoere marefe de o Boasa wogopoa o gandumu ma bunu-bunuhu ngade-ngade o kilo monaoko ami ngoeruku de ahao wohiluluino de womihitai o ngo Ruutu ami poretiha.