Ruutu 3:10 - Ma Jou ai Demo-demo o Totobelohoka

¹⁰ Ka de ami demo gea woihene de o Boasa duru de ai garago wato, “Ngaro Ma Jou o Yawe wonihiowa ngonaika ahi gianongoru! Ma dihira de tonihioriki abe ani hininga ma igo nomahidutu ngomino masara naa ka utuohi ngona nodiai itiai la nomahitunguu ani dora ngomino abe noigo nomahidutu ngomino! Ngona ka idadi nomamake ani rokata ka o goohi de ngaro una o kaya ma nyawa eko ko wokayaua ma iti ngona niiriki. Masara abeika ngohi ko o gooua de noboa ngohino de ani horomati ma amoko.

Ruutu 3:10 ပူးပေါင်းရင်းမြစ်များ

Dodadi 24:31

De o Labana witutumu de wato, “Hobata, duru itararono Ma Jou o Yawe wonihiowa ma ngoe ngonaika. De ufa nomahiaini nenangoka dika, kiani nogila-gila nohiniiki doka ahi tauika la nomahidodogumu ngohioka. Ngohi tinihidiaiokau ti ngini nia ngi de nia untaoo ma ngi nagau.”

Ruutu 1:8

Masara ona yahange gea yoiki ko manga gurutikauahi de o ngo Naomi duru mahininga ngomi hunungu gea hiadono mahibehehongo onangika, mato, “Ahi ngofaka, duru tonganono Ma Jou o Yawe ai dora itagi nginika. La gea Una wabalaha de ma owa ti ngini nia dora abe itagi nia roka-rokatika de ngohino abe duru nihitaana de nia duduhunu ngomino. Masara naa ngaro ufa nihiniikohi abe utuohi irahai nikokilio ti ngini nia me-memeika.

Ruutu 2:11

De o Boasa wotemoli wato, “Nagoungu, de ngohi tonihioriki abe ngona o homoaino ma nyawa masara ngohi tohiorikoo ani ade-ade abe ma titi ani dora ngoni hunungika ngaro ani rokata wohonengoka. De ngohi toihenoka o nyawaino abe hokokia ani baba de ngoni meme nanoaika de ani tonakoo ma, noporetika la ngoni hunungu nominiiki hiadono noboa nenangino. De gea ngaro duru ko nomihiorikuahi ngomi o Isiraele ma nyawa masara noigo nogogere ngomioka.

Ruutu 2:20

Ka de o ngo Naomi moihene abe mifetongo o Boasa de muna mihioriki una gea de motemo mato, “Ngaro Ma Jou o Yawe wihiowa unangika! Abeika Ma Jou ai duduhunu ngoneino! Duru ko wotogu-togumua Ma Jou wonahimatoko ai owa ngone o tau moiino. Abe itaana Una ko wonawohangua ngone o tau moi, ngaro ngone ka howangohi eko ngaro ona nanga tauoka abe yopahaka, masara ai hininga de ma dora itagi ngoneino ko itoa-toakua!” De ahao momihitararono o ngo Ruutika mato, “O Boasa gea nanga dutu adaene ahi rokatino! Abe nako o Boasa de ahi rokata ona o gianongoru itigino ho una gea naga ai tagongo ngoneino la wonaduhunu de ka idadi to ngone nanga kangelaino wonabangu.” Hokogea o ngo Naomi momihingahu o ngo Ruutika.

Ruutu 2:4

Ho ma oraha gea o ngo Ruutu momadoraka o Boasa ai redioka de una woboa abe o Beteleheeme ma kotaka de waino la ona watutumu abe yokokarajaanga to una ai redioka. Ka de ona watutumu de wotemo onangika, wato, “Ngaro Ma Jou o Yawe winihiputurungu nia karajaanga ma goronaka!” De ona youtu-utuku gea iwipaluhu ato, “De ngaro Ma Jou o Yawe wonihiowa ngonaika mia baluhu!”

Ruutu 3:9

De womihidodokana wato, “Ngona naa o ngo kia?” De muna mipaluhu unangika mato, “Ngohi naa ani gilaongo o ngo Ruutu. De ngohi toboa ngonaino naa la tomahitatoko ngonaika. Ngohi ani dutu ngoi fao ho toigo la ngona nohibangu ahi kangelaino.” Hokogea o ngo Ruutu momahingahu.

1 Samuele 15:13

De ma oraha o Samuele woboa o Gigalino de o Saulu wimake ho wibuhuku de ai garago, wato, “Duru tonigahoko la Ma Jou o Yawe wonihiowa ngonaika. De Ma Jou o Yawe ai behehongo ngohino taniiki hiadono tabooto todiai mata-mata gea abe Una wohihibehehongoka la todiai.”