Ruutu 2:6 - Ma Jou ai Demo-demo o Totobelohoka

⁶ De manga karajaanga ma hihira gea wipaluhu o Boasika, wato, “Nako ma ngofeka dokena gea muna o Moaba ma nyawa abe o ngo Naomi mominiikino ma oraha o ngo Naomi molio o Moaboka de maino.

Ruutu 2:6 ပူးပေါင်းရင်းမြစ်များ

Dodadi 15:2

De o Abaraama wipaluhu Ma Jouika wato, “Ahi Baluhu, Ngona Ma Jou o Yawe abe mata-mataika naga ani kuahaka. Masara parahaja utuohi ma ngoe nohihidoakino abe ahi ngofaka ko iwa. Ho onagona ahao yapareta ahi kiahonanga ma oraha tohonengoka? Abe Ngona ahi Baluhu ko nohihidoakuahi ahi ngofaka idodutu ho marai o Eliesere, abe una o Damasiki ma kotaino de wohileleani ahi tau ma goronaka, marai una dika ahao wamake ahi kiahonanga ma oraha ngohi tohonenge ho mata-mata idadi to una dika ai oara.” Hokogea o Abaraama ai hininga ma huha womahingahu Ma Jouika.

Dodadi 24:2

De naga o Abarahaama ai duduhunu womatengo abe duru womanoa o Abarahaama ai tauoka de una wapareta ai kiahonanga mata-mataika. Ho una gea o Abarahaama wiahokino de wotemo unangika wato, “Naga moi kiani nohihibehehongo ngohino abe kiani ani giama naso ahi uguru dau ma timiye hoka nanga biaha la nohitunguu ani demo ma gou-goungu.

Dodadi 39:4

Ho o Yusupu duru wihisanangi o Potifarika ma titi ai karajaanga duru wao irahai. De o Potifara wigoraka de wihidadi o hibaluhu moi ai tauoka abe duru de ai kuahaka. Ho gea idadioka to Yusupu ai tagongo mata-mataika ngaro o Potifara ai tau ma goronaka eko ai redioka, ma, gea to una ai kuahaka.

Matiusu 20:8

“De o wange ihumuririhuku ho ma dutu wahuloko ai duduhunu abe wahitobahiaturu ona yotobakarajaanga wato, ‘Abe ona yokarajaanga o wange naa, ona mata-mata nahokino de manga karajaanga ma hasili nahikokidoaka onangika gea. De ihira-hira nahokino ona abe ahao kangano o takoro motoa de tahikarajaanga. De ahao ona abe o takoro hange de ahao yomulaenge yokarajaanga, onangoli nahokino. De ka hokogea dika hiadono ona abe yohira-hira yokarajaanga, ona ma bobahaka de ahao nahokino de nahidoaka manga karajaanga ma hasili.’ Hokogea wihuloko ai duduhunika.”

Matiusu 24:45

De ahao o Yesusu wahingahu o hiketero ma ade-ade moioli abe ma titi Una ko woboauahi ma hinootoka de kiani o nyawa yomahidiaioka done yatodokana. De woade-ade hokonaa wato, “De naga o tau ma dutu ai duduhunu womatengo abe ai karajaanga wao duru irahai ma dutu ai tauoka. Ho ma dutu gea widosanangi unangika ma titi ai tagongo mata-mata wodiai irahai, abe hoka ma duduhunu gea wahiaturu ma duduhunu ma nyawa utuoli manga karajaanga ma tauoka gea, de wohiaturoo abe manga inomo o kia yaolomo o tau ma goronaka gea.

Ruutu 1:16

Masara o ngo Ruutu momipaluhu, mato, “Meme, ufa nohiribuutu ngohino la tolio ahi poretoko, angamoi ngohi tato ngaro ka homahidohonenguku ngona de ngohi ma ko toninoaua. Ngohi toniniiki o kiaika dika ngona noiki! Ho gea ngohioo naga o kiaka dika ngona naika la hogogere o ngi moioka. Ho to ngona ani gogianongoru ahao yodadi to ngohioo ahi gogianongoru. De Ma Jou abe ngona nomahijou Unangika, ngohioo tomahijou Unangika dika.

Ruutu 1:19

Ho o ngo Orpa molio ho yomakitingaka de o ngo Naomi de o ngo Ruutu ho ona yahinooto dika yogila-gila hiadono yoboa o Beteleheeme ma kotaika. De ka de yomahiadonoka o Beteleheeme ma kotaka de o Beteleheeme ma nyawa duru yoheranga ma oraha imimake o ngo Naomi. De o ngo-ngofeka abe ma dihira imitobadodiawo munangika yomakokeleha ato, “Igoungu, naa muna o ngo Tobasanangi moboaka?”

Ruutu 1:22

Hokogea o ngo Naomi ami ade-ade o Moaba ma tonakoka de hiadono maino molio muna de ngomi hunungu o Moaba ma nyawa, o ngo Ruutu. De ona yomahiadono o Beteleheemino duru ma oraha o Beteleheeme ma nyawa yokokimulaenge manga gandumu youtuku manga redi-redioka de gea o gandumu ma gugutuku ma domoro.

Ruutu 2:5

De ahao o Boasa wileha manga karajaanga ma hihiraika, wato, “O ngofeka gea dokena, muna o kiaino? De sarakia, ngona nomihioriki muna gea to onagona manga ora?”

Ruutu 2:7

De kangano o ngorumino muna moboa ngohino de momagahoko la mato muna manii-niiki ona youtu-utuku manga poretino la momadoraka o gandumu abe ipopurarahuku. De gea ngohi tomihigunoa la momadoraka ma gandumu gea ho muna kanganoinohi mokarajaanga de ko momatogu-togumua masara ma moi dika momahiaini jai-jai dika o foo-fofongo ma tau ma timiuku de ahao mokarajaangokali ka hiadono ma oraha naa de ko momahiainuahi.” Hokogea wihitararono ai dimono o Boasika.