Ruutu 2:23 - Ma Jou ai Demo-demo o Totobelohoka

²³ Hokogea ngomi hunungu ami demo ma owa munangika ho o ngo Ruutu duru madodiawo o ngo-ngofekaika abe o Boasa ai duduhunu yokokarajaanga ai redioka. Ho muna mogogere de ngomi hunungu o ngo Naomi de o wange-wangeiye o kotaino mohupu de manii-niiki o ngo-ngofeka gea manga karajaangoka. De o gandumu gea yautuku ibooto de ahao o Boasa ai redi utuikali yoiki abe o gandumu o fara moioli genangoli yautuku hiadono enangoo yamata. Hokogea o ngo Ruutu ami hasili abe ma gugutuku ma karajaangino gea.

Ruutu 2:23 ပူးပေါင်းရင်းမြစ်များ

Huhupu 9:31

De duru iwederoka o Mesiiri ma nyawa manga gandumu o fara moi angamoi ka ma moiika ikurati de duru ihirusakoka hiadono yamaaioka. De naga manga datomo moi ma romanga o rami ena gea duru yoperelu masara enangoo gea ikokirusakoka. Abe ma oraha o es ipuraraha manga rami ma rediuku de ena gea ihuri ho ma tuwiki ko yatimonuahi de ko idadiuahi yale.

Sosawaro 13:20

Ngone abe hadodiawo onangika yosoo-sosawaro, ahao to ngoneoli nanga sosawaro ka idogo. Masara nako homakiniiki de o bodo ma nyawaika, ahao o kangela inadodamaa.

Maruku 14:66

De ma oraha o Yesusu iwiurusu ma gogiriaka de o Peturusu nagahi o tau ma loakahi, abe womaraukohi ma ukuoka. De ipaha de naga momatengo mitilakuru, abe muna gea ngoi huhuloko abe manga hidemo ma nyawa Ma Jouiye manga baluhu wokokurutiye.

1 Korintusu 15:33

Ho naa ngohi tinihitiari tato, “Ngini naa ufa hiadono inihirehene hokogea!” Angamoi naga o demo ma dulu moi inahitiari ato, “Nako hadodiawo onangika manga datoro itorou, ahao to ngoneoo nanga biaha idadioka ma dorou.” Hokogea inahitiari o demo ma dulu gea.

Ruutu 1:22

Hokogea o ngo Naomi ami ade-ade o Moaba ma tonakoka de hiadono maino molio muna de ngomi hunungu o Moaba ma nyawa, o ngo Ruutu. De ona yomahiadono o Beteleheemino duru ma oraha o Beteleheeme ma nyawa yokokimulaenge manga gandumu youtuku manga redi-redioka de gea o gandumu ma gugutuku ma domoro.

Ruutu 2:22

Ka de moihene gea de ngomi hunungu, o ngo Naomi mato, “Irahai hokogea idadi ahi ngofaka! Ngona nanii-niiki o ngo-ngofeka abe yokarajaanga to una ai redioka dika angamoi nako o gandumu nomadoraka o nyawa utu manga redioka de done naga utu iniruwae o goo-goduuru.”

Ruutu 3:1

De ipahaino abe o wange moiukuoli o ngo Naomi momitemo o ngo Ruutika mato, “Ahi ngofaka, sarakia tonihidailako la to ngonaoo ani tau naga? Ngohi duru toigo la naga ani dodiawo, abe una ahao wonihidailako ani perelu mata-mata, de ngini nigogere nisosanangi.