Abe nako o bao-bao gea nagahi manga ngofaka eko manga danongo utu, gea de ahao kiani manga dutuohi gea yahidailako manga dimono gea ami perelu. Angamoi hokogea to ona manga tagongo kiani yatihira la aniiki Ma Jou ai mau abe ngone hingaku-ngakuino. De hokogea manga ngofaka eko manga danongo ka idadi ihiboa o balaha moi manga dimono de manga beika, de gea duru iwihisanangi Ma Jouika.
Ruutu 2:18 - Ma Jou ai Demo-demo o Totobelohoka18 Ho ami gandumu o litere monaoko gea momagao molio ngomi hunungu o ngo Naomika o kotaka. De o ngo Ruutu momihidoakoo munangika ami inomo ma hou abe kangano o Boasa womihiolomo de ko mamataua ho naa ma hou momihidoakoli ngomi hunungika. အခန်းကိုကြည့်ပါ။ |
Ruutu 2:18
4 ပူးပေါင်းရင်းမြစ်များ
De ipahaino abe ma oraha o Boasa de ai nyawa yomakokitoomuinoka la yolomo de o Boasa womiahoko o ngo Ruutika la munangoo molomo onangoka. Ho womiahoko munangika, wato, “Naino, ngohi toigo la ngona nolomo de de ngomi, ho to ngomi mia roti ngonaoo nomagoraka de nako noigo nomahitabu mia angguru ma teonguku, nomahitabu dika.” Hokogea o Boasa ai demo munangika ho ona mata-mata yolomo yomatoomuino. De o Boasa waleino o gandumu abe yahinyoleoka de womihidoaka munangika. De o ngo Ruutu molomo hiadono imipunuhoka de ka nagahi ami hou ai hidoakino gea.
Ho o ngo Ruutu momadoraka o ngorumino ka hiadono o bobimaowaka de ahao ami gandumu mata-mata matoomuino, de ahao mohiboha-boha la irero, de ahao mataloko hiadono ma afa ko iwaka. De ami gandumu abe mamake gea ma amoko imaketero de manga duduga ma amo-amokuku moi abe aomangoka. Abe manga duduga gea ma romanga o efaa. De o efaa gea imaketero de o litere monaoko ma dola nako aoma-omangiye.
ကြော်ငြာတွေ