Ruutu 2:13 - Ma Jou ai Demo-demo o Totobelohoka

¹³ De o ngo Ruutu motemo mato, “Ahi baluhu, ngohi tamake ngona de ani sanangi nohiduhunu ngohino. De gea ngohi tonganono la ahi datorino ka ihikaika tonihisanangi ngonaika. De gea ngohi naa hoka to ngona ani gilaongo dika masara ngona noboa ngohino de nohilaru ngaro ngohi de o ngo-ngofeka abe yokokarajaanga ngonaka ma ka ngohiohi totipokouku ani himangoka.” Hokogea o ngo Ruutu ami heranga ma demo.

Ruutu 2:13 ပူးပေါင်းရင်းမြစ်များ

Dodadi 32:6

Ho o Yakubu ai nyawa yoiki iwitutumu o Esau ibooto de ahao yolio o Yakubika de iwihingahu ato, “Ani riaka naa wosoboka woboa wonitutumu de ai tentara yaratuhu iata.”

Dodadi 33:10

Masara o Yakubu wato, “Hokogenangua ahi hininga, ngohi duru togahoko la ahi hidoaka naa nodafongo angamoi duru ahi hininga ma huha ihihangoka ma oraha tonimake abe ani himanga de ma gietoka. Abe ka de ani giete tamake de ahi garago hoka Ma Jou ai himanga ma giete tamakeoka!

Dodadi 33:15

Masara o Esau wato, “Ahi dodoto, nako ani hininga hokogea ma ka idadi, masara, togahoko la nohihigunoa ahi nyawa utu tahuloko la ona inigoana nia dodagi ma goronaka.” De o Yakubu wipaluhu wato, “Ahi baluhu ani hininga ma rahai ngohino ilamokoholi hiadono tato ngaro ufae dika!”

Dodadi 33:8

De ahao o Esau wolehali wato, “Abe ka de totigioka toboa de naga tamakeino ahi ngekomoka o aewani o duduono ma ngoe. Ho gea ena idodoa?” De o Yakubu wipaluhu wato, “Ahi baluhu, o duduono mata-mata gea ahi hidoaka ngonaika la nohisanangi ngohino.”

Dodadi 34:3

De yomakitigi ipaha de muna duru ami hininga ihuha masara o Sikeme womilaru wato, “Dina, ahi hininga yadaene ngonaika angamoi duru tonidora.” Hokogea ai demo munangika.

Dodadi 43:14

De ngone duru honganono la Ma Jou Wokokurutiye winiduhunu la ma oraha niwihimanga o Mesiiri ma popareta gea de una winisanangi nginika hiadono o Simeono wihigilio nginika de o Benyamini ko witumungua genangoka la ka idadi ngini nikokilioli nenangino. Masara nako yohonenge de gea ahi hininga ma huha ngaro kohadubuho masara ka tamoku dika.” Hokogea o Yakubu ai behehongo o Yehudaika de ai ria-dodotika.

Filiipi 2:3

De ufa nitaleana de ufa o sade inihihira la hiadono nimagorakiye, masara koaho nimahitipokouku la nako o nyawa utu de ngini ma hirete, ma ka onangohi niahayanga.

Ruutu 2:12

De ngohi tonganono to ngomi o Isiraele ma nyawa mia Jouika, abe Una gea Ma Jou o Yawe, la Una ahao wonihibalaha de ma owa ngonaika. Tonigahoko Unangika la ani utumu Unangino de ani dora ngoni hunungika imakiniiki ma amoko. De gea tohioriki ngaro ngona naga ani hawana masara noboaino de nongaku abe ka idadi nomahitatoko to ngomi mia Jouika duru imaketero hoka o kuru-kuru ma ngofaka abe iwohama ma ayo ma gafuufu ma timiuku la imahitatoko genangoka. De hokogenangoo ngona noboaino la nomahitatoko to ngomi mia Jouika.” Hokogea o Boasa ai demo munangika.

Ruutu 2:14

De ipahaino abe ma oraha o Boasa de ai nyawa yomakokitoomuinoka la yolomo de o Boasa womiahoko o ngo Ruutika la munangoo molomo onangoka. Ho womiahoko munangika, wato, “Naino, ngohi toigo la ngona nolomo de de ngomi, ho to ngomi mia roti ngonaoo nomagoraka de nako noigo nomahitabu mia angguru ma teonguku, nomahitabu dika.” Hokogea o Boasa ai demo munangika ho ona mata-mata yolomo yomatoomuino. De o Boasa waleino o gandumu abe yahinyoleoka de womihidoaka munangika. De o ngo Ruutu molomo hiadono imipunuhoka de ka nagahi ami hou ai hidoakino gea.

1 Samuele 1:18

De muna de ami sanangi mato, “Iti ngohi naa ani gilaongo tonihisanangi.” De ahao muna genangino mosobo de momalingiri o inomo de molomo de ami himanga ko ma fufutuokaua.

1 Samuele 25:41

De manga demo o ngo Abi moihene de ahao muna momaponuku ma tonakuku de mapaluhu mato, “Ngohi naa hoka ti ngini nia duduhunu dika, ho ngohi ka tosanangi tininiiki la homakiniiki o Dautika. De genangoka marai ka idadi tileleani unangika abe to una ai duduhunu manga lou tatobaihoro.”