Ruutu 1:1 - Ma Jou ai Demo-demo o Totobelohoka

^1-2 O ade-ade naa idadi ma oraha o Isiraele ma nyawa yogogerokau o Kanani ma tonakoka ma dekana. De ma oraha gea manga musu ka ihikaika yahikangela o Isiraele ma nyawa ho Ma Jou wohigali-gali wairiki manga hihira ma hidimono abe ona gea wahiakunu la hiadono ka idadi manga gogianongoru yahihupu manga musu manga kuahaino. De ma oraha gea naga o Isiraele ma nyawa womatengo ai romanga o Eli-meleke. Una de ngoi fekata de manga ngofa-ngofaka o Yehuda ai totoforauku abe yahiromanga o Efaraata ma nyawa angamoi manga kapongo gea ihira ihiromanga o Efaraata de ika-ika ihiromangoli o Beteleheeme. De ma oraha o Eli-meleke wogogere ma kapongoka gea ma romanga ma dekanokau o Beteleheeme. De ipaha manga tonakoka gea naga o hiwara duru ikiriakaholi hiadono idadi o hafini ho o Eli-meleke gea wato o hafini ma kangelaino wodokaowara. Ho o Beteleheeme wanoaka de una de ngoi fekata de manga ngofaka o nauru yahinooto wao. De ona yoiki ma gurutika angamoi o hiwara gea adaene o Isiraele ma tonaka ma hononga mata-mataika gea abe ihiromanga o Yehuda ma tonaka. Ho o Eli-meleke de ngoi fekata de ai ngofa-ngofaka yoiki hiadono o Isiraele ma tonaka ma batingi yatilakuroka de yogila-gila daku o Moaba ma tonakiye. De o Eli-meleke gea ngoi fekata ami romanga o ngo Tobasanangi abe nako to ona manga demo o ngo Naomi. De manga ngofaka o riaka ai romanga o Wotobapanyake de manga ngofaka o dodoto ai romanga o Wotobaona-ona. Ho ona o tau moi yomaturuuruoka ho hiadono yogogere o Moaba ma nyawa manga hidogoronaka.

Ruutu 1:1 ပူးပေါင်းရင်းမြစ်များ

Dodadi 12:10

De gea yogogere o Negebe ma tonakoka, ma, ipaha naga o hiwara ma dekanino hiadono o hafini idadi o Negebe ma tonakoka. Ho o Abaraama womaputuhu wato yoiki doka o Mesiiri ma tonakika la ka idadi yogogere jai-jai genangoka angamoi o hafini duru kohagiria.

Dodadi 26:1

Naa idadiokali naga o hiwara ma dekanino o tonakoka abe o Isaka wogogere genangoka ho naga o hafini imaketero hoka ma dihirali abe ma oraha ka o Abarahaamohi. De ma titi o hafini gea hiadono o Isaka woiki doka o Gerara ma tonakika abe genangoka o Abimeleke wahikoano o Filistina ma nyawa.

Dodadi 43:1

De o hafini kohagiriakaholi o Kanani ma tonakoka angamoi o hiwara kohadekanino o tonaka mata-mataika.

1 Kokoano 18:2

Ho o Elia wosobo wato witutumu o Ahabika la womahimatoko unangika. De ma oraha gea o hafini duru kohagiria o Samaria ma tonakoka mangale ma titi o hiwara o taongo hangeino ma dekana.

Higiriiri 105:16

De ahao Ma Jou wohiaturu la naga o hiwara abe duru ikiria, De adaene o Kanani ma tonaka mata-mataika hiadono o inomo ko iwaka.

Higiriiri 107:34

De o tonaka duru ikutufuru hiadono ma datomo duru de ma hofokoka, Una ahao wodiai la ma tonaka gea idadioka igahi, De ka hiadono manga datomo ko iwangokaua. Hokogea Ma Jou wodiai de angamoi o nyawa abe yogogere manga tonakoka gea, Ona duru yotobadiai itotorou hiadono Ma Jou wahohowono onangika.

Hihira 12:8

De o Yefata wohonengoka de ahao womatengo ai romanga o Ebasana wodadi o Isiraele ma nyawa manga hihira. O Ebasana gea wogogere o kapongo moi ma romanga o Beteleheeme.