Roma 8:5 - Ma Jou ai Demo-demo o Totobelohoka

^5-6 Ho igoungu abe nako nanga wowangoka de hapake Ma Jou o Womaha ai kuahaino, gea nanga hininga ka ihikaika itagi to Una ai mauika. De nako hokogea nanga hininga itagi Unangika, de ahao nanga wowango duru irahai abe ma titi imakiniiki de Ma Jou ai mau, de ka idadi nanga hininga duru iriidi Unangoka. Masara nako o nyawa abe ka yaniikohi manga badanga ma hafini ma dorouika, ona gea manga hininga de manga wowango duru imakohowono. Abe ona manga hiningaka de ka ihikaika yongano-nganono manga hafini ma dorou. De ahao ona gea ka o hone-honenge dika yamake abe yomakitingaka Ma Jouoka de aino.

Roma 8:5 ပူးပေါင်းရင်းမြစ်များ

Maruku 8:33

Masara o Yesusu womadogilioro de womalega iwinii-niikika de ahao o Peturusikali witaere wato, “Ngona naa hoka o Ibilihi dika ma mau naniiki! Ho ahi poretoko nomahiwalimoka! Ibootoka notemo hokogea angamoi gea o nyawa dika manga hininga naniiki de ko Ma Jou ai mauua naniiki nako hokogea notemo.”

Yohanese 3:6

Angamoi o kia dika yahigerewoto o roehino gea ka o roeholi, de o kia dika yahigerewoto o Womahino gea ka o womaholi.

Roma 8:9

Masara ngini naa hokogenangua. Abe ngini ko inihiparetakaua de o howono abe ngaro imanoa nia badangoka, masara naa ngini ka niakunu nianiikoli Ma Jou o Womaha ai hiningaika. De gea ka idadi niwiniiki angamoi ma oraha naa de Ma Jou o Womaha Una wogogere nginioka. De abe nako o nyawa abe o Kristusu ai Womaha ko iwiwa onangoka, ona gea duru ko o Kristusua ai nyawa, angamoi ngone hohiorikoka abe o Kristusu ai nyawa homoi-homoiika yaborimakeoka Ma Jou o Womaha manga hiningaka.

1 Korintusu 15:48

De ngone o nyawa mata-mataika nanga badanga ka imaketero dika hoka to Adama ai badangoli abe o dunia ma tonakino wodadi. De masara ngone onagona dika abe ahao hohapongo daku o Horogaiye, gea ahao to ngone nanga badanga ma oraha gea ka imaketero hoka to Kristusu ai badangoli. Abe Una gea o Horogaka de wauku woboa.

1 Korintusu 2:14

Masara onagona dika abe ko iwingakua Ma Jouika, ona gea ko yodafongua ma dodotoko gea Ma Jou o Womahino angamoi gea ena yafikiri ato ibodo. De hongoli ona gea ko idadiua yataoko ma titi genangino, angamoi Ma Jou o Womaha ko iwiwa onangoka.

2 Korintusu 10:3

De igoungu abe ngomioo o nyawa dika abe mimanoa o duniaka naa. Masara nako miaparangi Ma Jou ai musuika de ko o duniaua ma hiaturu de ko o dunia ma biahaua miapake, de ko o nyawaua dika ma buturungu miapake.

Galatia 5:17

Angamoi nako to ngone nanga hafini ma dorou, gea duru yoigo yaniiki o kia dika abe imakalawana de Ma Jou o Womaha ai hininga. De hokogenangoo Ma Jou o Womaha wonahigaro la hohafini ma rorahaiika abe imakalawana de to ngone nanga badanga ma hafini ma dorou. Ho ena gea hinootoo duru imakokalawana nanga hininga ma goronaka, ho hiadono nanga hidee utu yaruwae de atatoko la ma bahaika de nanga hidee gea ko idadiua ihofoko.

Efesusu 5:9

De ahi demo gea ma titi nako ngini niwango ai dawangeoka, ahao nia wowangoka naga ma hofoko mata-mata abe ma rorahai de ma totiai de abe ma gou-goungu.

2 Peturusu 2:10

De igoungu abe o hohowono ma wangeoka de gea ahao Una wahohowono mata-mataika abe ko yototiaiua, masara hongoli ona abe ka ihikaika yanii-niiki manga badanga ma hafini ma dorou hiadono duru yomahipesekoka, de ona abe ka yongelo-ngelo Ma Jou ai kuahaika. De gea onangohi abe duru Ma Jou wahohowono onangika. De abe ona yotobadotoko o rerehene ma dodotoko nginioka, ona gea duru ko manga domoroini ma titi manga sadeino, abe ngaro ona ato yongelo Ma Jou ai momalaekatika abe naga de ma kuahaka, ma gea ona ka yodiai dika de ko yohawanua.