Roma 7:17 - Ma Jou ai Demo-demo o Totobelohoka

¹⁷ De nako to ngohi ahi hininga imakiniiki de to Una ai Pareta, gea ihihitaana ngohino abe ko ahi hiningaua la o datoro ma dorou todiai. Ho ma oraha abe ngohi todiai o dorou, gea tanu ko ahi hiningainoua abe idiai, masara ahi howono abe imanoa ngohioka, ena gea abe itobadiai ma dorou.

Roma 7:17 ပူးပေါင်းရင်းမြစ်များ

Roma 7:18

De gea ngohi duru tomahioriki abe moioo de ko iwa ma rorahai abe imanoa ngohioka. De gea ahi demo ma titi tanu ko iwa ma rorahai abe imanoa ahi badangoka, angamoi duru tomahioriki abe ahi badanga naa o duniaka dika ho ma rorahai ko iwa genangino. De tohioriki abe ma rorahai ko iwa ahi badangoka angamoi ngaro ngohi duru toigo todiai o datoro ma rorahai masara gea ena ko takunua.

Roma 7:20

Ho nako ngohi todiai ma datoro abe tanu ko toigoua todiai, gea ngohi tato tanu ko ahi hiningainoua abe ngohi todiai, masara ahi howono abe imanoa ahi badangoka, ena gea abe itobadiai ma dorou. De duru ena gea ahi kangela tohimanga, abe ma datoro ma rorahai toigo todiai ahi wowangoka masara tamao abe ahi hiakunu de ahi kuaha ko iwa ngohioka la ka idadi ma datoro gea todiai.

Roma 7:23

Masara abe nako ahi badangoka, gea ko Ma Jou ai Paretaua abe ihihipareta masara to ngohi ahi howono abe naga de ma kuahaka. Ho naga moi ahi hiningaka de moioli ahi badangoka de gea hinooto imakalawana ngohioka. De mangale ma titi ahi howono naga de ma kuahaka ho hiadono ena gea yahikala ahi hininga ma mauika abe yoigo yaniiki Ma Jou ai Paretaika. De ahi howono gea ngade-ngade hoka ihitaokoka hiadono ngohi ahi howono ma kuahaka tomanoa.

2 Korintusu 8:12

De nako hahidoaka de nanga hininga ma magawe, de gea ngaro ilamoko eko ihutulu masara nanga hidoaka gea ahao Ma Jou wodafongo de ai hininga ma sanangi. Abe Una ko wonganonua la hohidoaka ilamoko nako hamake ko ilamokua.