Roma 5:13 - Ma Jou ai Demo-demo o Totobelohoka

¹³ De igoungu abe nako ngone hafikiri ma titi o howono, gea biaha ma titi naga ma pareta abe o nyawa yatilakuroka ho hato yahowonoka. Masara tanu ma dodihiraino abe Ma Jou ko wahidoakuahi ai Pareta o Musaika de o nyawa yahowonoka Unangika. Abe ngaro ma oraha o Adama de ka hiadono ma oraha Ma Jou wahidoaka ai Pareta o Musaika, masara ma oraha gea de nagau o howono o duniaka. De masara ma oraha gea de ma Pareta ko iboauahi, ho Ma Jou ko wafetongua o nyawaika wato ai Pareta yatotilakuru onangika.

Roma 5:13 ပူးပေါင်းရင်းမြစ်များ

Dodadi 13:13

De o nyawa abe yogogere o Sodomo ma kotaka gea, duru itagi manga hafini o dorouika dika ho duru yotobadiai o howono Ma Jou o Yawe ai himangoka.

Dodadi 18:20

Hokogea ai hininga ho Ma Jou o Yawe wihingahu o Abarahaamika wato, “Naga o nyawa manga ngoe yomaniata abe ihihingahu Ngohino ato, ‘O Sodomo de o Gomora ma nyawa duru yodiai itorou ikiriakaholi ho ngomi naa duru migahoko la Ngona Ma Jou nahohowono ona gea.’

Dodadi 19:36

Hokogea hiadono idadi o Loti ngoi ora yahinooto gea homoi-homoiika de manga badangoka de manga ngofa-ngofaka to manga baba ai ngofaka.

Dodadi 19:4

Gea yolomo ibooto ma ko yomaiduahi de o Sodomoka ma nau-nauru o kota ma amokino yokokiboaino abe o balu-baluhu de o goo-goduuru, de o Loti ai tau ihigilolitoka.

Dodadi 38:10

Masara nako Ma Jou o Yawe ai himangoka gea o Onana wodiai duru itorou abe woluku la ai riaka wamake ai ngofa-ngofakuku ho ma titi gea hiadono unangoo Ma Jou wihohonenge.

Dodadi 38:7

Masara woilaka ipahaino de o Era una gea ai datoro itorouholi Ma Jou o Yawe ai himangoka. Ho ma titi ai datoro ma dorou gea hiadono Ma Jou o Yawe Una ma hirete wihohonenge o Era gea.

Dodadi 6:11

Masara o nyawa utu yotobadiai itorou dika abe ngaro o kia dika Ma Jou wato ko idadiua yodiai masara gea ka yodiai dika itorou. Abe ngaro o kiaka dika o nyawa naga ma yomahiketehikokangela de manga dohata.

Dodadi 8:21

De o Nuhi ai huhuba ma bounu idoaiye de Ma Jou o Yawe waame de duru iwihisanangi ho hiadono womatemo ai hiningaka wato, “Ngohi ko tohipohakaua o tonakuku de o hohowono hokonaa. De ngaro o nyawa duru manga etetekinohi manga hiningaka ipuda yodiai ka itorou dika masara, mata-mata de ma wowangoka ngohi ko tahibinaahakauali de o nguihi. Abe hoka ipopahaino naa idadioka hiadono yakokilutu, masara gea duru ko todiaiokauali.”

Roma 4:15

Masara ngone hohioriki de hongaku abe to Una ai hiowa o nyawa ka idadi yamake ma titi manga ngongakuino de ko ma titiua o Paretaino. Angamoi nako ma Pareta gea inahohowono o nyawaika onagona dika abe ko itiaiua hanii-niiki to ena ma demo mata-mataika. Ho ko hamakeua ma owa ma Paretaino masara ka o hohowono dika hamake. Abe nako hoka duru ko iwa o pareta o duniaka naa, gea ngone o nyawa ko hatilakurua o paretaika de o hohowono ko inadaenua ngoneino. Masara mangale igoungu naga Ma Jou ai Pareta, gea nagaoo o nyawa abe yatilakuru enangika de kiani yamake manga hohowono genangino. Ho genangino de ka idadi hamake abe ma Pareta ihiboa o hohowono ngone o nyawaino de ko ihiboaua to Una ai behehongo ma hiowa.

1 Korintusu 15:56

Abe igoungu o hone-honenge ma biha gea o howono. De nagali Ma Jou ai Pareta ngoneino abe mangale ma titi ai Pareta gea hiadono hohioriki hokokia ma ngoe hatilakuru ai mau de hahowono Unangika.

1 Yohanese 3:14

De nako ngone naa, ngone hohiorikoka abe Una wonagorakoka o hone-honenge ma kuahaino de wonahigogeroli o wowango ma ngango ma kuahakali. De gea ka idadi hohioriki mangale ma titi ngone homakodora nanga gogianongoru o ngongakuoka. De nako o nyawa ko iwa manga dora manga hiningaka, ona gea ka yomanoahi o hone-honenge ma kuaha ma goronakahi.

1 Yohanese 3:4

Masara onagona dika abe yatobahowo-howono manga wowangoka, ona gea yalawana Ma Jou ai Paretaika, angamoi o howono mata-mata gea duru imakalawana de ai paretaika.