Roma 4:20 - Ma Jou ai Demo-demo o Totobelohoka

²⁰ De ngaro hokogea masara to Abarahaama ai ngongaku Ma Jou ai behehongika gea ko idomo-domoua masara ka idogo-dogo iputurungu. De ngaro ma oraha gea ko womamakeuahi ai ngofaka abe ma behehongino, masara ka idadiohi una wohitarimakase de wihigiriiri Ma Jouika abe ma titi ai ngongakuino.

Roma 4:20 ပူးပေါင်းရင်းမြစ်များ

Dodadi 15:6

Gea ai behehongo woihene de o Abaraama duru wingaku Ma Jouika. De ai ngongaku gea ma titi hiadono Ma Jou wato, “O Abaraama wotiai ahi himangoka.”

2 Kokoano 7:2

De o Elisa wotemo ipahaino de ahao ma koano ai duduhunu womatengo wotemo wato, “Ou, marai ani demoino gea de noeluku dika! Angamoi ngaro hoka Ma Jou Una ma hirete wafelenga o Horoga ma ngorana ma oraha naa naga la o gandumu gea wonahipurarahuku ngoneuku masara duru ko idadiua abe hoka ani demo gea notemoka!” De ai demo gea o Elisa woihene ipahaino de ahao o Elisa wipaluhu wato, “Gea duru igoungu idadi itebini, de ngona ahao namake ma inomo ma amoko gea de to ngona ma hirete ani lako hinooto. De ngaro namake de ani lako masara ngona ko namaoua ani uruino.” Hokogea o Elisa ai hitiari ma demo.

Matiusu 9:8

Ho genangoka o nyawa manga ngoe duru yokokiheranga de yokokihawanoo abe ma titi gea idadioka abe duru to ona mata-mata manga hima-himangoka. De hiadono ona iwihigiriiri Ma Jouiye ma titi Una wihidoaka o Yesusika de to Una ai kuaha kohaamoko.

Lukasa 1:18

De o Sakaria wileha o Gabirielika wato, “Ka idadi o dodunguu moi nohihidoaka la tohioriki itaana abe ahao idadi hoka nohihibehehongoka? Angamoi ngohi de ngohi fekata imikokiperekioka ho done sarakia miamake o ngofaka?”

Lukasa 1:45

Ngona duru namakeoka o garago ma owa Ma Jouino angamoi ai behehongo ngonaika duru nangaku abe ahao ai demo idadi mata-mata.” Hokogea o ngo Elisabete ami horomati ma demo abe ngomi gianongoru o ngo Mariaika.

1 Korintusu 16:13

De naa ngohi tinihigaro ngini mata-mataika la nimaakokigoana. De kiani nimahiputurungu nia ngongakuoka la ufa nikelu-kelu. De kiani ngini ninauru la hiadono nia domoroini naga.

2 Korintusu 12:10

De gea ma titi hiadono ngohi tato ngaro o kangela taohana ma titi o Yesusu Kristusika tilelelani, masara ka idadi tosanangi dika ahi kangela ma goronaka. Abe ngaro ahi badanga ihiboleoka de ngaro ihihitipokouku o nyawa manga demoino, de ngaro o kangela de o huha o kia dika naga taohana masara ka idadi tosanangi dika. Angamoi ngohi duru tohioriki abe nako ngohi ihiboleoka, duru ma oraha ena gea abe ngohi de ahi kuahaka ma titi o Yesusu Kristusu ai kuahaino wohihiputurungu.

Efesusu 6:10

De naa ahi gogianongoru, ahi dodotoko moiokahi naa abe ahi huratoka tato tinihingahu nginika. De gea ngini kiani ka ihikaika nimahiputurungu nanga Baluhu idodutuika de to Una ai kuahaino abe duru kohabuturungu ai kuaha gea.

2 Timotiusu 2:1

Ho naa ahi ngofaka, ngohi duru toigo la ngona ufa nomaaduru abe hoka onangoli yorehe-rehenoka gea, masara kiani nomaaduru abe hoka ngomioli abe ko mirehe-rehenua ma gou-goungino. De gea kiani ani hininga ma buturungu namake ka nanga Baluhino dika la wonihiputurungu hiadono inimagawe nileleani Unangika. De gea ai buturungu ka wonahidoaka dika ngoneino ma titi nanga gogere o Yesusu Kristusoka.

1 Samuele 30:6

De mangale ma titi o Dautu ai nyawa manga fekata de manga ngofaka o Amaleke ma nyawa yataokino de ko yaiwaka hiadono manga hiningaka de yajanggutu ho duru iwingamo unangika. Ho ona yomakoketemo ma titi gea de yomahikokagaro la iwihohakaru o Dautika hiadono wohonenge. De ngaro hokogea masara Ma Jou o Yawe wihiputurungu o Dautu ai hiningaika la ka idadi ai hininga iriidi.