Roma 2:18 - Ma Jou ai Demo-demo o Totobelohoka

¹⁸ De ngini igoungu abe inidotokoka Ma Jou ai Paretaino ho niato to Una ai mau nginika nihiorikoka, la o kia dika naga abe ka enangohi ihailoa eko irorahai, gea ka niakunu niairiki de nianiiki enangika.

Roma 2:18 ပူးပေါင်းရင်းမြစ်များ

Higiriiri 19:8

De o Yawe ai behehongo gea ma owa dika, ho nako haniiki ka idadi inahigarago. O Yawe ai huhuloko ka itebi-tebini dika mata-mataika, ho inahitararono nanga hininga ma lakoino.

Sosawaro 6:23

Abe ani dimonino mia behehongo de mia dodotoko ngonaika gea idadi ani hilo abe inihitararono ani wowango ma dodagioka. De ahi ngofaka, ma oraha ngomi miamake ani wowangoka abe kiani minihohowono de ahao minitaere la mia dodotokino minihitiai de minihidumutu o wowango ma gou-goungika.

Lukasa 1:4

Ho naa ngohi duru toigo la ngona ka idadi nabasa ahi buku ma ade-ade naa de genangino iniduhunu ani hiningaka la ufa ani hininga hinooto. Abe toigo la ngona duru nohioriki de nongaku abe ma dodotoko mata-mata noihenoka ma titi o Yesusu, gea ena duru igou-goungu angamoi duru imakiniiki de ma ade-ade ma demo naa ena.

Lukasa 12:47

De ma duduhunu gea wamake ai hohowono duru itubuho abe duru iwipoha-poha angamoi una ngaro wohioriki to ai dutu ai mau masara ko wodiaiua. Abe ngaro wohioriki ai dutu ahao woboali masara ko iwa ai hidiai.”

Yohanese 13:17

De naa ngini nihiorikokau ahi behehongo gea ho duru niamake ma owa ma gou-goungino nako nimaketeleleani abe hoka tinihimatokoka.” Hokogea o Yesusu wahitararono ona iwitobaniikika.

Roma 15:4

De gea Ma Jou ai Demo-demo mata-mata abe ma dodihiraino de ihitulihukuoka, gea ma dumutu ka moi. Abe gea ihitulihuku la ma titi genangino de ka idadi wonadotoko ngoneino. De gea Ma Jou ai hininga la to Una ai Demo-demoino de duru inahigaro nanga hiningaka de hiadono nanga dongohono ka idogo. De ahao genangino naga ihihofoko nanga nganganono abe duru hohioriki ahao ma oraha adonoka de hamake o kia dika abe Ma Jou wonahibehehongoka wato wonahidoaka.

Roma 2:19

De hongoli ngini duru nionganono de niamao nia hiningaka abe niato ka nginiohi de nia tobahiorikoka, ho niato ka idadi ngini niatobadotoko o nyawa utuikali abe ona gea manga tobahioriki Ma Jouika ka ikurangohi. Ho gea ngini nimahiromanga hoka o nyawa niatobahihira-hira abe ona yorafi-rafioka la ufa ma ngekomoka de aino yorehene. Eko nimahiromangoli abe niato nidadi o dararono onangika abe ka o fufutuokahi yomanoa.

Higalioli 4:8

De nako o homoa ma nyawa utu abe yowoe-woe de yomahipareta, duru ko iwa abe naga de manga huhuloko de manga hiaturu ma demo abe ka itotiai dika mata-mataika. Masara nako to ngone nanga demo Unangoka de aino abe bootino tinihihohininga nginika, gea ena duru itotiai dika ma demo.”

Filiipi 1:10

De gea tinigahoko la ngaro hokokia dika naga nia wowangoka, ma ngini ka niakunu niairiki o kiahi duru itiai. De tinigahokoo la nia wowango ka ihikaika itebini de ko iwa nia datoroka abe ka idadi inihohowono o nyawa. Abe ahi gogahoko gea ma dumutu la tato nia wowango itebini ma oraha naa de ka hiadono o wange gea o Kristusu woboali.

1 Tesalonika 5:21

De gea ngaro tinihibehehongoka tato ufa ai demo niaoluku, masara kiani tinihitiarioo tato nako o nyawa manga demo abe manga demo gea bari Ma Jou o Womahoka de aino iboa, de gea manga demo mata-mata kiani nihidodiai de niatailakohi la nihioriki igoungu eko ko igoungua. Ho nako gea ma demo abe niatailakoka de igoungu, gea kiani niodafongo de nianiiki.

Ibarani 5:14

Masara nako o nyawa abe yapoa yaolomo o inomo ma dodogowini, ona gea yobaluhoka, de ona abe manga hiningaka yomadotokoka la hiadono yakunu ihioriki de ihikohowono o kia itiai de o kia itorou. Ho naa ngohi duru tinihigaro la ngini nibaluhu Unangika hiadono ti nginioo nia hininga hokogea itagi.

Yakobusu 4:17

Ho naa ngohi tinihibehehongo nginika tato onagona dika abe ona ihiorikoka abe o totiai ma datoro moi tanu kiani yodiai masara gea ko yodiaiua, ona gea yahowonoka.