Ho ipahaino de ma oraha o Apoloso womahiadono o Efesusu ma kotaino de woiki o Yahudi ma nyawa manga dodotoko ma tauika de wadoto-dotoko genangoka, de wodotoko gea duru de ai magaweoka. De naga genangoka o ngo Pirisikila de ami rokata o Akila, de ona yotoihene ai demoika de ipaha iwiahoko la ka idadi ona yaruange dika yomakoketemo, de ahao ona yahinooto duru ihidodiai iwihitararonoli unangika ma titi Ma Jou ai dodotoko ma demo abe hatoli ingodumu la unangoo ka idadi wohioriki.
Roma 16:3 - Ma Jou ai Demo-demo o Totobelohoka3 De naa ngohi toigo tohidingoto ahi tabea abe ahi gogianongoru de ahi dodiawoika abe genangoka o Roma ma kotaka yogogere, ho togahoko la ngini niadofanga ahi tabea onangika. De ihira ahi tabea tohidingoto abe o ngo Pirisikila de ami rokata o Akilaika. Abe ona de ngohi nengokadau de mimahikarajaanga moi abe ngomi wiwileleani o Yesusu Kristusika. အခန်းကိုကြည့်ပါ။ |
Roma 16:3
17 ပူးပေါင်းရင်းမြစ်များ
De hongoli ona yahinooto ngade-ngade yobodito mangale ngohi ihiduhunu la ufa o nyawa ihitoma. Ho ngohi ahi hininga ma tarimakase duru itagi onangika. De gea ka ngohiua dika abe totarimakase onangika, masara abe o gareja ma doomu homoi-homoi abe ko o Yahudi ma nyawaua manga dodoomu, onangoo mata-mata duru yotarimakase abe ona yahinootoika.
De o Andaronikusu de o ngo Yuniasa, onangikaoo ma ahi tabea tohidingoto. Abe ona gea yahinooto ahi gogianongoru o Yahudi ma nyawaka de o Kristusokaoo. De ma dihiraino ona de ngohi imiboritaokino ho mimahibui moi. De onangoo yahingahu-ngahu o Abari ma Rorahai abe hoka ngohioli, masara nako ngohi de ona, duru ka onangohi yohira iwingaku o Kristusika.
De gea igoungu abe nia badanga ahao iborihonenge, masara ipahaino de ahao Ma Jou ti ngini nia badanga gea wohimomikoli nia honengino. Angamoi ngini mata-mata de naga Ma Jou o Womaha ngini homoi-homoioka. De gea ngone hohioriki abe ma dihiraino de Ma Jou o Womaha Una gea wihimomiki o Yesusu ai honengino. Ho mangale ma titi Ma Jou o Womaha naga womanoa ngini homoi-homoioka ho ka idadi nihioriki abe ngaro ahao nia badanga naa iborihonenge masara ahao Ma Jou winihimomiki nginioo ma titi to Una ai Womahino abe imaketero hoka o Yesusoli wihimomikoka ai honengino.
Angamoi ngaro o howono ma kuaha de ngaro o hone-honengoo ma kuaha ma ena gea ko inahiparetakaua ngoneino. De mangale ma titi wonahihoheoka ma kuaha hinootoino gea ho ngaro ufa dika de Ma Jou wonahohowono ngoneino. De hokokia idadi hiadono Ma Jou wonahihoheoka genangino? De gea ma titi Ma Jou o Womaha wonahidoaka ngoneino o wowango ma hiaturu abe ma hungioli. De o wowango ma hungi Ma Jou o Womahoka de aino, gea inahihupuoka nanga wowango ihira-hiraka de aino ho ngaro ufa dika de haniikohi o howono de o hone-honenge ma ngekomika.
De naa marai nanga gogianongoru o Yesusoka ko manga ngoe manga tabea ihidingoto nginika. Abe ona o gareja yanii-niiki o Asia ma propinsioka naa, ona ihidingoto manga tabea nginika o Korintusu ma garejaika. De o Akila de ngoi fekata o ngo Pirisikila de ona nanga gogianongoru utu mata-mata abe o Gareja ma wange ma getongo de yomatoomuino o Akila ai tauoka, ona mata-mata manga tabea ilamoko nanga Baluhoka ihidingoto nginika.
Masara nako o Epafroditusu, nanga gianongoru o Yesusoka abe nengokadau ngini niwihidingoto la nia hidoaka wao ngohino, una nagahi ngohioka. Masara naa tomaputuhoka tato tihigilio nginika. Naa ma duru una wodadi hoka ahi dodoto ma dutu, de ma ngoe wohiduhunu de wohidodiawo abe una de ngohi o Abari ma Rorahai mimakuduhunu mioodemo.
De o Yesusu abe iwiaho-ahoko o Yustusu, unangoo ai dora wohidingoto nginika. Ho ona yaruange naa, ngaro ahi gogianongoru ko manga ngoe o Yahudi ma nyawaino, masara ka ona yaruange dika naa abe ihiduhunu ngohi ma titi ahi karajaanga. Abe ma titi ona de ngohi mimakuduhunu la ngone hodogo-dogo abe Ma Jou wonahikoano nanga wowangoka. Ho ona yaruange gea duru ihilaru ngohino.
ကြော်ငြာတွေ