Roma 16:20 - Ma Jou ai Demo-demo o Totobelohoka

²⁰ De nanga Jou abe wonahidoaka ngoneino o hininga ma miriidi, Una gea ko itedekanokaua de o Ibilihi ma haeke ma kuaha wawederoka la to ena ma kuaha ko ilakuokaua ti ngini nia wowangoka. De naa ngohi tinigahoko la ahao nanga Baluhu idodutu o Yesusu ai owa winihidoaka nginika.

Roma 16:20 ပူးပေါင်းရင်းမြစ်များ

Dodadi 3:15

Ho ngona de muna, o ngofeka gea, ahao ka tinihikokadohatika, muna de ngona, de to ngona ani ngofaka de ani danonguku, de to muna ami ngofaka de ami danonguku, ona ka ihikaika yomakumusu. De gea yomakumusu ka hiadono ahao woboa womatengo to muna ami toforauku, de Una gea ahao ani pea wawedere, de ngonaoo ahao ai bobooika natuduku.” Hokogea Ma Jou o Yawe ai hohowono o dodihaika.

Maleaki 4:3

De ma wange gea ngini ka idadi duru niahikala o dorou ma nyawaika hiadono ngini niadoko-doko onanguku hoka ona o tonaka ma kuhuhunu dika.” Hokogea Ma Jou o Yawe Wokokurutiye ai higaro ma demo onangika.

Matiusu 4:10

De o Yesusu wopaluhu enangika wato, “Ngona o Ibilihi, ka nohinoaka dika! Angamoi Ma Jou ai Demo-demoka naga moi itemo ato, ‘Ngini kiani nimahuba nia Jou o Yaweika dika, de ko idadiua utuika ngini nioleleani.’”

Lukasa 10:19

De Ngohi tinihidoakoka o kuaha la ngaro nanga musu ena gea ma buturungu hokokia dika naga masara ka ti nginiohi nia kuaha ifoloiika ilamoko. De nanga musu o Ibilihi ma haeke de to ena ma toka-tokata, ena gea tahiketero hoka o dodiha de o waitota. Ho ngini naa naga de ahi kuahaka, ho ngaro nia dodagioka de niadoko o dodihauku eko o waitotauku masara ena gea ko idadiua inihiodiri nginika. Abe ahi demo gea ma titi nanga musu ma toka-tokata ko idadiua inihikala nginika.

Roma 15:33

De naa ngohi tinigahoko Ma Jouika la Una ka ihikaika naga ngini homoi-homoioka, angamoi ka Unangoka dika nanga hininga ma miriidi ma titi. Amin.

Roma 16:23

De o Gayusu, unangoo ai tabea wohidingoto nginika. Abe ngohi o Paulusu tomahidodogumu naa o Gayusu ai tauoka, abe mia biaha mimatoo-toomuino nenangoka ma titi mia gareja ma doomuoka. De o Eratusu abe to una ai tagongo la wohiaturu o kota naangoka ma popareta ma tiwi, de nanga gianongoru o Kawatusu, onangoo yahinooto manga tabea ihidingoto nginika.

Roma 16:24

[De naa tinigahoko la nanga Baluhu idodutu o Yesusu Kristusu winihiowa ngini mata-mataika. Amin.]

Roma 8:37

De ngaro ngone haohana o kangela gea mata-mata nanga wowangoka, masara ena gea ko idadiua inahikala de ko idadiua inahikatingaka ngone o Kristusu ai doraka de aino. Abe ma titi ngone naa duru holaku-laku ma titi o Kristusu wonatobadora ngoneino.

1 Korintusu 16:23

De naa tinigahoko ngini la nanga Baluhu idodutu o Yesusu ai owa winihikodoku nginika.

Galatia 6:18

De naa, ahi gogianongoru, ngohi tinigahoko nanga Baluhu idodutu o Yesusu Kristusika la to Una ai owa winihidoaka ti ngini nia kokihiningaika. Amin.

Filiipi 4:23

De naa ngini tinigahoko nanga Baluhu idodutu o Yesusu Kristusiye la ai owa winihidoaka ti ngini nia kokihiningaika.

1 Tesalonika 5:28

De naa ngomi minigahoko Unangika la ahao nanga Baluhu idodutu o Yesusu Kristusu winihiowa nginika.

2 Tesalonika 3:18

De naa ngomi minigahoko la ahao nanga Baluhu idodutu o Yesusu Kristusu winihiowa ngini mata-mataika.

2 Timotiusu 4:22

De naa ngona o Timotiusu tonigahoko la nanga Baluhu idodutu ahao naga ani datekoka wonidodiawo de woniduhunu. De ngini genangoka o doomu moi ngohi tinigahoko la to Una ai owa winihidoaka ngini mata-mataika.

Filemono 1:25

Ho naa ngini tinigahoko la nanga Baluhu idodutu o Yesusu Kristusu winihidoaka to Una ai owa nia kokihiningaka.

1 Yohanese 3:8

Masara nako o nyawa utuoli abe o howono dika yanii-niiki, ona gea yomakiniiki de o Ibilihi ma haeke ma titi manga datorino, angamoi ena gea duru ma dodihirainohi de yatobahowo-howono. Ho ufa nimahigunoa hiadono o nyawa inibudi abe ma titi gea ena. De nako Ma Jou ai Ngofaka, Una gea woboa o duniauku naa la ka idadi o Ibilihi ma haeke ma datoro gea duru wohibinaaha enangika.

Himatoko 12:10

Ka de gea ipaha de ahao ngohi toihene o ilingi ma amokiye moi o Horogaka. De ma ilingi gea itemo ato, “Ho naa ma dekanino de ahao naa idadioka abe to ngone nanga Jou wagorakiye ai kuaha kohaamoko la womulaenge o dunia duru wahipareta! De naa ma oraha abe to Una ai duduhunu ngoneino duru ingodu-ngodumoka! De nako Una abe ma dodihirakahi de Ma Jou wonahibehehongo ngoneino wato ahao wodadi nanga Koano, Unangoo ma oraha naa de ai kuaha kohaamoko womulaengoka wapake! Angamoi ma dihiraino o Ibilihi ma haeke ka ihikaika o futu de o wange ena naga Ma Jou ai himangoka de yatobatae-tae nanga gogianongoruika ma titi manga howo-howono. Masara ena gea abe yatobatae-tae ko iwakau Ma Jouoka ma titi yaumoka daku de auku!

Himatoko 22:21

De naa tinigahoko ngini mata-mataika la nanga Baluhu idodutu o Yesusu ai owa winihikodoku nginika.