Roma 15:21 - Ma Jou ai Demo-demo o Totobelohoka

²¹ Masara ngohi tato koaho taniiki Ma Jou ai Demo-demo naa moi abe ma dodihiraino de ihitulihukuoka ma titi nanga Baluhu. De gea itemo ato, “O nyawa abe ko yamakeuahi ma hingahu ma titi Una, ona ahao yamake ma gou-goungu Unangoka. De ona abe ko ma moiuahi yoihene ma titi Una, ona gea ahao yoihene de yataoko to Una ai abari.” Hokogea itemo Ma Jou ai Demo-demoka, de hokogea to ngohioo ahi hininga ma dumutu.

Roma 15:21 ပူးပေါင်းရင်းမြစ်များ

Yesaya 52:15

De naga ma oraha ahao iboa abe ma moioli Una wahitodokana o nyawaika. De gea o dunia ma nyawa de o kokoano ma ngoeika duru wahitodokana ma titi ai gogere ma gogurutiye. De o kokoano gea ko kia-kiaua yotemo ai himangoka. Angamoi gea de ahao ona yamake de yataoko to Una ai hininga ma dumutu abe ma dodihirainohi de ko ma moiuahi yoihene. Ho ma dihiraino ona duru ko ihiorikuahi ai hininga, masara gea de ahao ka idadi yataoko itiai.” Hokogea Ma Jou ai hingahu ma titi ai Huhuloko.

Maruku 12:10

De ahao o Yesusu wohigila-gilahi ai demo onangika wato, “Abe ma titi ona iwioluku ma dutu ai ngofaka, gea imakiniiki de abe ma dodihiraka naga itulihukuoka Ma Jou ai Demo-demoka, abe itemo hokonaa ato, ‘Naga moi o hakaru abe ona o tau yotobadodiai aolukoka enangika, masara ma hakaru gea ena ahao idadioka o tau ma lifunu abe duru ihira yakelengauku dau ma tonakuku.