Roma 1:15 - Ma Jou ai Demo-demo o Totobelohoka

¹⁵ De ena gea ma titi hiadono ngohi naa duru toigo la o Abari ma Rorahai tinihingahu-ngahu nginiokaoo abe o Roma ma kotaka.

Roma 1:15 ပူးပေါင်းရင်းမြစ်များ

Yesaya 6:8

De ahao ngohi toihene nanga Baluhu idodutu woleha wato, “Onagona ka idadi Ngohi tohidingoto? De done onagona yodadi to Ngomi mia hidingoto ma nyawa la mia demo yatotaka?” De ai leleha gea toihene ho ngohi topaluhu tato, “Ngohi naga. Ka idadi Ngona nohihidingoto ngohi!”

Matiusu 9:38

De gea Ma Jou abe wohikaaturu ai redioka ma gugutuku. Ho naa Ngohi togahoko la ngini nimaniata nanga Baluhika de duru nigahoko la Una ahao wahidingoto youtu-utuku ma nyawa utuohi yowoe ai redi ma goronaika. La onangoo gea inaduhunu nanga karajaanga ma goronaka.” De hokogea o Yesusu ai demo iwinii-niikika abe wato kiani o nyawa utuohi yowoe yahingahu-ngahu o Abari ma Rorahai o nyawa-nyawaika.

Maruku 14:8

O ngofeka naa modiaioka abe gea makunu modiai, abe mohituagioka ahi badangino. Ngaro ko ihilungunuahi masara muna moboa la mato ahi badanga mohidiaioka abe hoka imakiniiki de to ngone nanga biaha ma titi o honenge.

Yohanese 4:34

Ho angamoi yomakokeleha hokogea, o Yesusu wahingahu onangika wato, “To Ngohi ahi inomo, gea ahi hingounu to Una ai mauika abe wohihidingotino. Abe naga o karajaanga wohihidoaka Ngohino de kiani gea tabootokahi, ho ahi karajaanga gea to Ngohi ahi inomo.” Hokogea o Yesusu wahitararono ona iwitobanii-niikika.

Hidingoto 21:13

De o Paulusu womipaluhu wato, “Done adodoa ho ngini hokonaa niari-ari? Angamoi nia koongoino de duru nihihitubuho ahi hininga! Abe ngohi tanu tomahidiaioka la o Yerusaleemoka de ihibuika, de hongoli ka idadi ona ihitomaka, iti tohiboa o higiriiri nanga Baluhu o Yesusu ai romangika!”

Roma 10:15

De nako o nyawa ko yahidingotuahi onangika la yoiki yahingahu-ngahu, gea done sarakia de ma hingahu ma demo gea itagi onangika? Ho gea tanu duru irahai nako hoka Ma Jou wahidingoto o nyawa abe yatobahingahu-ngahu ma titi nanga Baluhu idodutu la genangino ka idadi iwingaku Unangika. La gea ahao o nyawa yosanangi yadafongo abe ona yatobahingahu-ngahu gea.” Marai hokogea nimatemo nia hiningaka. De tanu nia demo gea imakiniiki de Ma Jou ai Demo-demo moi abe ma dodihiraino ihitulihukuoka ato, “Nako hiadono o nyawa yatobahingahu-ngahu o Abari ma Rorahai yomahiadono ngoneino, gea ngone haetongo hato duru ihohailoa to ona manga boa.” Hokogea ma demo abe ihitulihukuoka ma dodihiraino. Masara abe ma titi o Abari ma Rorahai itagi, gea ka idadi hohioriki abe ma dihirainohi de Ma Jou ai Abari ma Rorahai wohidingotoka o nyawaika, masara ko mata-mataua yodafongo ai demo gea la yongaku enangika.

Roma 12:18

De ngini kiani nihitaili de nia hininga ma gahumu la nimakao irahai de o nyawa mata-mataika. Ho ufa hiadono ma titi nginioka hiadono o ribuutu idadi.

Roma 15:20

De abe tohingahu-ngahu o Abari ma Rorahai, de gea ka ihikaika ahi hininga ma igo la tohingahu-ngahu o ngi-ngioka abe genangoka o Kristusu ai romanga o nyawa ko ihiorikuahi. Angamoi nako hoka toiki o ngi-ngiika abe genangoka o Abari ma Rorahai yoihenoka, gea done ngohi ka tohidogoli o nyawa utu manga karajaanga Ma Jouika. Abe genangoka o nyawa iwihiorikoka o Kristusika.

1 Korintusu 9:17

De nako hoka ma dihira ngohi ma hirete tomaputuhu tato o Abari ma Rorahai tahingahu-ngahu o nyawaika, gea de ahao itiai o hidailako tamake o nyawaino. Masara hokogenangua idadi. Ma dihira gea Ma Jou wohiiriki ngohi de wohihitagongo ngohino la wato ai Abari ma Rorahai tahingahu-ngahu. Ho gea ko to ngohiua ahi ngiriki, masara Una wohiiriki ngohi.

2 Korintusu 8:12

De nako hahidoaka de nanga hininga ma magawe, de gea ngaro ilamoko eko ihutulu masara nanga hidoaka gea ahao Ma Jou wodafongo de ai hininga ma sanangi. Abe Una ko wonganonua la hohidoaka ilamoko nako hamake ko ilamokua.